GOVERNOR LACSON KAG 20 KA STAFF SG GOVERNOR’S OFFICE NATALANA IPAIDALOM SA SWAB TEST MATAPOS NAGPOSITIBO SA COVID-19 ANG ISA KA PERSONNEL

Share on facebook
Share on google
Share on pinterest
Share on twitter
Share on print

Ginkumpirmar ni Governor Eugenio Bong Lacson nga nagpaidalom siya sa self-isolation matapos nagpositibo sa covid-19 ang isa ka utility worker nga na-assign sa governors office.

Suno kay Lacson las 4 kaina sang kaagahon sang ila nabaton nga nagpositibo ang nasambit nga personnel sa covid-19.

Dugang pa ni Lacson, Setyembre 1 sang ginpapauli ang utility worker matapos naglain ang pamatyag kag gilayon ginpaidalom sa swab test.

Gin-umpisahan naman ang contact tracing bangud nahibaluan, ang nagpositibo ang ginasugo nga magpangdul-ong sang mga dokumento kag papeles sa iban nga opisina sa kapitolyo.

Ginpa self-isolate man ang 20 ka staff sa governor’s office kag natalana sila nga ipaidalom sa swab test sa dominggo nga adlaw, Setyembre 6.

Ginklaro man ni Lacson nga wala siya sang direct contact sa nasambit nga utility worker.

MORE STORIES:

LIKE US ON FB

error: Ooops... You are not authorized to copy this content.