GOV MARAÑON SUPORTADO ANG RESOLUSYON SANG DBM ANGUT SA PHRMD

Share on facebook
Share on google
Share on pinterest
Share on twitter
Share on print

Ginpaboran ni Negros Occidental Governor Alfredo Marañon Jr. ang resolusyon sang Department of Budget and Management (DBM) nga nagamando sa gobyerno probinsiyal nga ibalik bilang dibisyon ang gintukod nga Provincial Human Resource Management Department (PHRMD).

Suno sa gobernador iya na nga ginsumiter sa Sanguniang Panlalawigan ang rekomendasyon, kag posible nga talakayon sa regular nga sesyon subong nga adlaw Mierkules.

Basi sa sulat nga ginpadala ni DBM Regional Director Mae Chua kay Marañon sadtong Nobyembre 5, 2018, ilegal ang pagtukod sang amo nga departamento pati na ang Organic Agriculture Farming Division (OAFD).

Ang pito ka mga empleyado sa OAFD ang magabalik sa Office of the Provincial Agriculture samtang balik man sa ila ginhalinan nga posisyon ang 15 ka mga empleyado sa PHRMD. | Aksyon Marlon Genovea

SIKAT NGA SUBA SA KAPITAN RAMON, SILAY CITY TEMPORARYO NGA GINPASIRA

(Lexplorations PH FB Page | Algene Bacotod Photo)

Temporaryo nga ginpasira sang LGU sang syudad sang Silay ang suba sa mga pangayaw sa Sitio Lupa, Barangay Kapitan Ramon, Silay bilang precautionary measure kontra Covid-19.

Sa interview sang Aksyon Radyo, ginpahayag ni Silay Mayor Mark Golez, ang ini nga tikang nag base man sa ordinansa sang syudad nga nagadumili sa mass gathering ukon pagtililipon.

Dugang pa ni Golez, ini ang inisyatibo man sang syudad kasunod nga narecord ang anum ka Covid-19 cases sa Kapitan Ramon bisan nga malayo na ini nga lugar.

Subong nga adlaw, Sabado, Mayo 8, sang nag umpisa ang temporary closure sang suba.

Base sa impormasyon ni Golez, 2 mil tubtob 3 mil ka mga tawo ang nagapadulong sa lugar kag iban sa ila ang gikan pa sa Kabankalan kag San Carlos.

Ginpahayag sang Alkalde, nga iya na gintugyanan ang Silay PNP nga magpahamtang sang checkpoint sa dalan padulong sa suba.

PRISO SA ESCALANTE PNP GINBAWIAN KABUHI SA HOSPITAL

Patay ang isa ka bilanggo sang Escalante City Police Station samtang ginabulong sa Vicente Gustilo District Hospital syudad sang Escalante.

Ang napatay ginkilala kay Radjie Yap , 20 anyos, residente sang Yolanda Homes, Barangay Washington, sa amo nga syudad.

Suno kay PLt Col. Gil John Despi, nabilanggo si Yap sadtong February 23, 2021 matapos gindakop sa kaso frustrated homicide.

May 6, 2021, ginpa check-up sa doctor si Yap matapos nakabatyag sang stomach pain, kag  kahapon (May 7, 2021) las 9:40 sang aga gin-confine sa ospital matapos nakaangkon sang inasod asod nga pagpalanakit sang tiyan.

Las 12:45 sang hapon ini gindeklarar patay samtang ginabulong sa ospital bangod sa acute respiratory failure. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.