GOV LACSON PLANO NGA PALAWIGON ANG GCQ SANG DUHA PA KA SEMANA

Share on facebook
Share on google
Share on pinterest
Share on twitter
Share on print

Luyag ni Negros Occidental Gobernador Eugenio Jose Lacson nga palawigon pa ang implementasyon sang General Community Quarantine ukon (GCQ), kun ini ang matapos na sa Mayo 15.

Suno kay Lacson, plano niya nga palawigon ang implementasyon sa sulod sang duha ka semana, kun tugutan sang National Inter-Agency Task Force ukon (NIATF).

Apang gin-athag sang gobernador nga mangin depende sa gihapon sa igapaguwa nga guidelines sang NIATF ang iya mangin desisyon.

Nagapati si Lacson nga ang GCQ implementation amo ang ‘perfect quarantine model’ para sa subong nga sitwasyon, sa diin nagapangatubang sang krisis ang pungsod bangud sa Covid-19.

Nagasalig man ang gobernador nga madowngrade sang syudad sang Bacolod ang ginpalawig nga enhanced community quarantine, kag panubuan sa GCQ umpisa Mayo 16.

Samtang, nabalaka si Lacson sa mangin epekto sang plano nga pagbalik sang domestic flights matapos ang implementasyon sang enhanced community quarantine sa mga lugar nga ginakabig high-risk areas.

Suno kay Lacson makabig nga ‘major concern’ para sa iya, kun magbalik ang biyahe sang mga eroplano bangud mabudlay na nga makontrol sang gobyerno probinsiyal ang pag inabot sang mga pasahero.

Una nga gin-anunsiyo sang pila ka mga airline companies nga nagaplano ang mga ini sang partial resumption sa pila ka mga internasyonal kag domestic flights sa Mayo 16, kun tugutan sang government authorities. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.