Ginpanawagan ni Governor Bong Lacson sa mga residente sang Negros Occidental nga tumanon ang ginamando nga preemptive evacuation sa tion sang kalamidad agud malikawan ang anu man nga insidente.
Ini kasunod sa baha nga nagluntad sa Northern Negros nga nag apekto sa linibo ka mga pamilya kag indibidwal, naghalit sa mga propedad , pananom kag kasapatan.
Gin ehemplo sang gobernador ang preemptive evacuation sa syudad sang Escalante, sa diin may diutay lamang nga pamilya ang naapektohan.
Nagapati si Lacson nga ang preemptive evacuation ang isa sa mga pamaagi agud masiguro ang kaluwasan sang mga residente bangud yara na ang mga ini sa hilway nga lugar kag wala na sang peligro kun maglala ang nagaluntad nga kalamidad.
Nagligad nga Enero 9, patay ang 43 anyos nga si Marvito Lumanog sang Hda.
Sa German Barangay Guimbala-on syudad sang Silay matapos ma trap sa sulod sang iya puluy-an nga natampukan sang natiphag nga duta tuga sang mabaskog nga pag ulan. | Aksyon Marlon Genovea
