Nag-isyu sang Executive Order (EO) si Governor Bong Lacson nga naga-limit sa ‘mass gatherings’ sa Negros Occidental.
Abril 8, 2021, sang pirmahan sang gobernador ang EO No. 21-21 series of 2021, agud ipatuman ang tikang para mapunggan ang padayon nga pagdamo sang aktibo nga kaso sang Covid-19.
Nasaad sa EO ni Lacson nga tubtub lamang sa 30% ang seating ukon venue capacity sang isa ka pagtililipon. Dapat man nga limitahan sa pinili nga lugar ang pag implementar sang localized kag targeted lockdown nga wala nagalakip sa mga ‘national roads’.
Dugang pa sang gobernador, iya man ginatugyan sa mga local government units ang pagdeklarar sang lockdown sa tagsa nila ka hurisdiksyon.
Sa Abril 7, 2021 nga datos sang Provincial Incident Management Team (PIMT), ang Negros Occidental ang may 635 ka aktibo nga kaso sang Covid-19 active sa diin 5,545 sa mga ini ang mga domestic cases. | Aksyon Marlon Genovea