Ginpangabay ni Gobernador Bong Lacson ang Department of Transportation, Maritime Industry Authority kag Phillippine Coastguard, nga indi pagdayunon ang plano nga pagpabalik biyahe sang mga eroplano kag passenger vessels umpisa Mayo 16, 2020.
Suno kay Lacson, nagpadala siya sang sulat sa tiglikum sang sini nga mga ahensiya kag nagalaom nga mapaboran ang iya pangabay.
Nagapati ang gobernador nga ang pagpasira sa airport kag seaports amo ang pinakamaayo nga tikang agud mapungan ang pagdamo sang kaso sang covid-19.
Ginsaad man ni Lacson sa iya sulat, ang gin-isyu nga executive order nga amo ang ginbasihan sa pagpasira sa mga borders, airport kag seaports umpisa sadtong Marso 15, 2020.
Kun indi maaprobahan, ginpahayag ni Lacson nga dapat na lamang atubangon sang mga Negrense ang problema kag mangin mahinalungon.