GOV LACSON NAGAHULAT SANG PAGSULUNDAN SANG GOBYERNO NASYUNAL ANGUT SA BAKLANAY SG BAKUNA KONTRA COVID-19 KON AVAILABLE NA

Share on facebook
Share on google
Share on pinterest
Share on twitter
Share on print

Luyag anay nga hulaton ni Negros Occidental Governor Bong Lacson ang mga pagsulundan sang gobyerno nasyonal agud mahibaluan kun pwede makabakal ang local government unit ( LGU) sang bakuna kontra Covid-19.

Suno kay Lacson indi pa makadesisyon ang probinsiya sa pagpain sang pondo, samtang wala pa mapresentar ang mga guidelines sa sini nga plano.

Nagapati ang gobernador nga malawig pa ang mga binulan ang pagahulaton antis mangin available ukon pwede nga magamit ang amo nga bakuna.

Ang Manila ang isa lamang sa mga LGUs nga una nagpalayag sang plano nga pagpain sang P200 million agud gastuhon sa pagbakal sang bakuna kun ini ang maaprobahan kag pwede na nga usaron.

Ginpasiguro man ni vaccine czar Sec. Carlito Galvez Jr. nga mapaidalom sa istrikto nga clinical trial ang bakuna antis gamiton sa Pilipinas.

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.