GOV LACSON NAGA PANAWAGAN NGA LIKAWAN ANG PAMOLITIKA KARON NGA KRISIS

Share on facebook
Share on google
Share on pinterest
Share on twitter
Share on print

Ginpanawagan ni Negros Occidental Gobernador Bong Lacson sa publiko nga likawan ang pamolitika, kag tutukan kun paano makabulig para matapna ang krisis sang Covid-19 pandemic.

Suno kay Lacson, iya ginasuportahan ang una nga palayag ni Bise Gobernador Jeffrey Ferrer, nga indi subong ang tion para hambalan ang politika bangud nagaproblema pa ang probinsiya sa epekto sang coronavirus disease.

Dugang pa ni Lacson, nangin isyu lamang ang magkatuhay nga quarantine mode sang gin-implementar sa probinsiya ang General Community Quarantine ukon (GCQ) samtang Enhanced Community Quarantine naman sa Bacolod.

Suno sa gobernador, ini nga isyu ang madasig man nga naresulbar sang ginpatuman na ang GCQ sa syudad kag bug-os nga probinsiya.

Una diri, naguwa ang balita angot sa gina-alegar plano nga pagsaylo ni Ferrer sang rehistrasyon sa syudad sang Bacolod.

Apang ginklaro sang bise gobernador nga ang report ang ginpalapta lamang sang mga tawo nga nagdisgusto sa kakulang sang kooperasyon sang Bacolod kag Negros Occidental angot sa Covid-19 crisis. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.