Gin turnover ni Governor Bong Lacson ang balor P3,544,000 sang tseke sa Nabinay Agrarian Reform Cooperative nga nakabase sa Brgy. Daga, syudad sang Cadiz nga amo ang una nga tranche sa pondo nga gin pain para sa Negros Native Chicken Breeding, Production and Marketing Enterprise sa idalom sang Philippine Rural Development Project (PRDP).
Ini nga proyekto nga ginpondohan sang World Bank, gobyerno nasyonal kag gobyerno probinsiyal, ang magatutuk sa breeding, fattening kag marketing sang native nga mga manok.
Ang granted enterprise pagadumalahan sang Project Management Team nga ginabug-usan sang mga myembro halin sa Lead Proponent Group, Nabinay Agrarian Reform Cooperative, kag duha ka mga cluster members sang San Juan Torena Agrarian Reform Cooperative kag Mirasol Development Corporation Agrarian Reform Cooperative.
Ang PRDP ang isa ka mga national project sa idalom sang Dept. of Agriculture nga nagatoyo sa pag establisar sang moderno, value chain-oriented kag climate resilient agriculture kag fisheries sector. | Aksyon Marlon Genovea