GOV LACSON NAG KLARO NGA WALA SANG DUGANG SA ILA GRUPO NGA LOVE NEGROS

Share on facebook
Share on google
Share on pinterest
Share on twitter
Share on print

Ginklaro ni Governor Eugenio Jose Lacson nga wala sang nagdugang nga miyembro sang ila local political group nga Love Negros.

Ini matapos maguwa ang report nga nagsaylo si Hinobaan Municipal Mayor Ernesto Estrao sa amo nga grupo, kag nagbiya na sa local political party nga United Negros Alliance ukon Unega.

Suno kay Lacson, si Silay City Councilor Ryan Gamboa amo ang ulihi nga nagdugang sa puwersa sang Love Negros matapos magdaog bilang bag-o nga Provincial Federation President sang Philippine Councilors’ League.

Ginpanginwala man sang gobernador ang report angot sa plano sang iban pa nga mga miyembro sang Unega nga pagsaylo sa Love Negros.

Sa Setyembre 27, patigayunon ang eleksyon sa bag-o nga opisyal sang League of Municipalities of the Phillippines sa diin ang Unega kag Love Negros ang may mga kandidato sa pagka-presidente. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.