GOV LACSON NAG DELIVER SANG STATE OF THE PROVINCE ADDRESS

Share on facebook
Share on pinterest
Share on twitter
Share on print
(Capitol PIO Photo)

Nangin daku nga hangkat sa sektor sang agrikultura sa Negros Occidental ang halit nga gintuga sang Covid-19 pandemic.

Ini ang ginpahayag ni Governor Bong Lacson sa iya ikaduha nga State of the Province Address (SOPA) kaina sang hapon.

Suno kay Lacson, ini ang nag-epekto sa palangabuhian sang mga mangunguma kag mangingisda.

Dugang pa sang gobernador, gintinguhaan sang gobyerno probinsiyal nga maka adjust sa new normal paagi sa disaster response kag mga interventions.

Pila sa mga ini amo ang P21,600,000 nga proyekto agud pakigbatuan ang Covid-19.

Suno kay Lacson, tinguhaan sang iya administrasyon nga madevelop ang sektor sang agrikultura kag mapaalibantar ang pagpangabuhi sang mga mangunguma.

Sa karon ginatutukan sang Office of the Provincial Agriculture ang Agricultural Competitiveness Improvement kag Food Security paagi sa pag maximize sa agricultural potentials sang probinsiya.

Gina paabot man sang Gobernador ang bilyones pesos nga balor sa economic losses ang ginalaoman sa Negros Occidental, tuga sang krisis sa Covid-19.

Suno kay Lacson, kinahanglan ang isa ka decisive actions kag innovations agud maresulbar ang public health kag economic concerns.

Dugang pa sang gobernador, nagdihon na si Provincial Consultant Albee Benitez sang recovery plan framework samtang may short-term planning naman ang mga department, office heads kag chiefs of hospitals para sa recovery plan sa kada cluster sini.

Ini ang nagalakip sa pag-implementar sang mga aktibidad, proyekto, programa, pag-identify sang mga gaps kag mga ginakinahanglan nga interbensyon agud makatutuk kun paano mapunggan ang dugang nga kapierdehan sa sektor sang negosyo.

Ginaplanohan man sang probinsiya ang pag-invest sa ginatawag nga digital revolution.

Samtang, gin talakay man ni Lacson sa SOPA ang mga pagpanghangkat sa gobyerno probinsiyal kun paano matapna ang Covid-19 sa Negros Occidental.

Ginhighlights sang gobernador ang pagtukod sang mga Task Force Groups, kag 24/7 hotline nga amo ang nagamonitor kag nagapatigayon sang contact tracing sa 31 ka mga local government units (LGUs).

Suno kay Lacson, umpisa Marso tubtub Hunyo 30, 2020,, 41,938 ang mga persona nga gin quarantine sa mga facilities sang LGUs , kag 5,518 sa EB Magalona Healing Center, Mambucal Resort, kag Cadiz Facility.

Umpisa Marso 30, tubtub Hunyo 30, 2020, may 6,945 man ang mga repatriated Negrenses, sa diin 5,493 ang mga LSIs kag 1,452 OFWs. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.