GOV LACSON NAG APILAR SANG KOOPERASYON SA PAGPATUMAN SANG GCQ UMPISA MAYO 1

Share on facebook
Share on google
Share on pinterest
Share on twitter
Share on print

Nagpahanumdom si Negros Occidental Governor Eugenio Jose Lacson nga sa pihak nga ipatuman na sa Mayo 1 ang General Community Quarantine sa probinsiya, may mga limitasyon sa gihapon kaangay sang mga gintalana nga edad nga pwede kag indi pwede nga maka gwa, mandatory nga pagsuksok sang face mask sa tanan nga oras kag padayon nga pag obserbar sang physical distancing.

Palayag ni Lacson, kon siya lang ang masunod, luyag niya nga i-extend pa sang isa ka semana ang enhanced community quarantine sa probinsiya agud ma-assess ang sitwasyon ugaling dapat nila nga sundon ang mando sang gobyerno nasyonal ilabi na nga ang probinsiya ang wala nalakip sa makabig nga high-risk area sa Pilipinas.

Panugyan ni Lacson, indi lang mag kumpiyansa kag kon indi lang man importante indi na mag gwa kag magpabilin lamang sa tagsa ka mga balay.

Pangabay ni Lacson nga mag kooperar lang ang Negrense para madula kag indi na magsaka ang kaso sang covid-19 sa probinsiya.

Natalana bwas nga adlaw, Abril 29, makapagwa na sanng executive order ang gobernador angut sa pagpatuman sang GCQ.

Samtang, nagpahayag sang suporta si Cadiz City Mayor Salvador Bading Escalante Jr, sa plano kuntani ni Lacson nga pagpalawig sang ECQ sa probinsiya sang isa pa ka semana.

Suno kay Escalante, indi kinahanglan nga magdali ilabi na nga may mga positibo pa nga kaso sa kag may mga stranded passengers kag OFWs pa ang natalana mag abot sa probinsiya ugaling kinahanglan magtuman sa panugyan sang gobierno nasyonal.

Nagapati si Escalante nga kon iga-extend pa ang ECQ sa probinsiya may ikasarang pa ang mga Local Government Units nga makahatag sang dugang nga bulig sa ila mga nasakupan. | Aksyon Eden Aboso

MORE STORIES:

error: Ooops... You are not authorized to copy this content.