Nagpatigayon sang online meeting si Negros Occidental Gobernador Eugenio Jose Lacson sa mga alkalde sang probinsya, agud ipasiguro ang koordinasyon sang mga local government units angot sa pag abot sang mga stranded Negrenses kag Overseas Filipino Workers.
Suno kay Lacson, ginaantisipar na ang pag abot sang madamo nga mga returning residents kag kinahanglan nga mapaidalom ang mga ini sa mandatory quarantine sa mga quarantine facilities.
Luyag man sang gobernador mapasiguro nga negatibo ang resulta sang ila RT-PCR test, antis tugutan nga makapauli sa ila tagsa ka mga lugar.
Ang mga nagaabot nga returning residents ang direkta nga ginadala sa processing facility sa EB Magalona para sa medical check ups kag RT-PCR testing.
Pila pa sa mga quarantine facilities sa probinsiya amo ang Mambucal Resort Murcia, kag St. Andrew’s Park Place, Brgy. Tinampaan Cadiz. | Aksyon Marlon Genovea
