GOV LACSON GINA KABIG ANG PAG TAPNA SA COVID-19 ANG ISA KA DAKO NGA HANGKAT SANG 2020

Share on facebook
Share on google
Share on pinterest
Share on twitter
Share on print

Isa ka daku nga hangkat sa mga local chief executives sang Negros Occiedental sa kabug-usan nga 2020 , ang pagtapna sa Covid-19.

Ini ang ginpahayag ni Governor Bong Lacson sa iya katapusan nga press conference sa Governor’s Office para subong nga tuig.

Suno kay Lacson, ang pagpahamtang sang nahauna nga Covid-19 molecular laboratory sa Teresita Jalandoni Provincial Hospital sa syudad sang Silay, ang isa sa pinakadako nga nahimo sang gobyerno probinsiyal sa tuig 2020.

Dugang pa sang gobernador, ini ang una nga laboratoryo nga napatukod sang local government units sa Western Visayas nga nag umpisa sa pag operar sadtong Hunyo 1, 2020.

Nagpasalamat man si Lacson bangud apesar sang pandemya, nagpadayon sa gihapon ang pag implementar sang mga programa kag proyekto sa bug-os nga probinsiya. | Aksyon Marlon Genovea

NEGROS OCCIDENTAL MAY 118 ACTIVE COVID-19 CASES

Liwat nga nagsaka ang kaso sang Covid-19 sa Negros Occidental.

Sa datos sang Provincial Incident Management Team (PIMT) tubtub Enero 17, 2021, nagsaka sa 118 ang active cases halin sa 109 nga record sadtong Enero 11, 2021.

Ang syudad sang San Carlos amo ang may pinakadamo nga active cases nga may 23 kag ginasundan sang Silay nga may 13.

May 24 naman ka mga banwa kag syudad ang may single-digit number na lamang nga active cases.

May lima man ka mga banwa nga wala na sang aktibo nga kaso nga ginalakipan sang Don Salvador Benedicto, Cauayan, Pontevedra, San Enrique, kag Valladolid.

Pinakanubo nga active cases ang narekord sang PIMT sadtong Enerto 6 kag 9, 2021, nga may 104.

Basi sa cumulative report sang PIMT halin Marso 27, 2020 tubtub Enero 17, 2021, ang Negros Occidental ang may total Covid-19 cases nga 6,574, recoveries – 6,250, kag 206 nga napatay. | Aksyon Marlon Genovea

170K NGA GINAPATIHAN SHABU, NAREKOBER; SUSPEK, NAKAPALAGYO

Narekober ang 170,000 pesos nga balor sang ginasuspetsuhan shabu sa buy-bust operation sang Regional Drugs Enforcement Unit (RDEU)-6 sa Purok Kagaykay, Brgy. 2 syudad sang Bacolod.

Nakapalagyo ang subject sang operasyon nga si Romulo Hamatoc, 31 anyos samtang nadakpan ang nobya sini nga si Arielle Descutido, 21 anyos.

Si Hamatoc isa ka high-value individual sang probinsya samtang si Descutido naman ginakabig bilang newly identified drug personality.

Narekober sa buy bust operation ang walo ka mga plastic sachet sang ginasuspetsuhan shabu nga nagabug-at sang 25 gramos, kahita kag bag.

Priso karun si Descutido sa custodial facility sang Police Station 2 para sa nagakaigo nga disposisyon. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.