GONZALES: WALA ANAY SANG MULTA TUBTOB NGA MAHATAGAN SANG TION NGA MAKAREHISTRO ANG MGA NEGOSYO SA BAC-TRAC SYSTEM

Share on facebook
Share on google
Share on pinterest
Share on twitter
Share on print

Naga pangabay si Councilor Lady Gles Gonzales kay Mayor Evelio Leonardia nga mangin ‘lenient’ anay ang pagpatuman sang City Ordinance 941 ukon Bacolod Contact Tracing System Ordinance.

Ini kasunod sang kahangawa sang mga negosyante nga base mapapanaugan sila sang penalidad sa tion nga indi maka register sa BacTrac system sa gin talana nga deadline tubtob Oktubre 11.

Suno kay Gonzales, tuyo sang iya pangabay nga makapatigayon sang lapnagon nga information and education campaign angut sa pagpatuman sang ordinansa kag mahatagan sang tion ang mga negosyante nga mag rehistro.

Dugang pa sang Konsehal, gina tinguhaan sa karon sang MITCS nga mapa improve ang system para madamo ang maka rehistro.

Suno pa kay Gonzales, naga amat-amat naman sa karon ang pag bulig sang Barangay sa pag rehistro sa mga pumuluyo nga wala sang smartphone kag internet connection.

Apiesar sini, nag pangabay si Gonzales sa mga negosyante nga mag comply sa ordinansa para indi mabudlayan ang contact tracing team sang syudad.

Sa gin pagwa nga advisory sa developer sang Bac-Trac, under maintenance sa karon ang server pero ang mga establisamento ang padayon sa gihapon nga maka scan sang QR Code.

MORE STORIES:

LIKE US ON FB

error: Ooops... You are not authorized to copy this content.