GOBYERNO SANG SILAY GIN INSPECT ANG MGA ESTABLISAMENTO SA LANTAWAN, GUIMBALAON KAG PATAG

Share on facebook
Share on google
Share on pinterest
Share on twitter
Share on print

Ginpapanaugan sang Notice of Violation sang lokal nga panguluhan sang syudad sang Silay ang pila ka mga establisyemento sa Sitio Lantawan, Barangay Guimbalaon kag sa Barangay Patag sa syudad sang Silay kaina sang hapon, Sabado.

Suno kay Silay City Mayor Mark Golez, isa-isa nga gin-usisa sang joint inspection team sang syudad nga ginabug-usan sang Silay City Covid Task Force, Silay PNP, Local DRRMO, CENECO, kag Office of the Building Official, ang kapin 30 ka mga commercial kag business establishments kag resorts.

Wala pa sa karon nahibaluan kon pila guid ang establisamento nga gin isyuhan sang notice of violation.

Nahibaloan ang Silay nga may mga establisyemento ang nagabukas sa duha ka mga lugar apang wala sang business permits kag ang iban may kulang ang dokumento sa pagbukas sang negosyo sa lugar.

Ginhatagan lamang sang napulo ka adlaw ang mga establisyemento nga ginpapanaugan sang notice of violation nga i-comply ang mga requirements sang syudad sang Silay.

Pagklaro ni Golez, bukas sa gihapon ang ini nga mga negosyo apang mahimo ipasara kun indi maka-comply sang mga requirements sa gintalana nga adlaw.

Dugang pa sang alkalde, luyag lamang niya masiguro nga legal ang operations sang mga establisyemento sa lugar kag nagasunod sa mga polisa nga ginapatuman sang syudad.

Nahibaloan nga ang mga lugar kun sa diin ginpatigayon ang inspection ang sakop sang Northern Negros Natural Park (NNNP) nga isa ka protective area sa probinsya sang Negros Occidental. | Aksyon John Diaz

MORE STORIES:

LIKE US ON FB

error: Ooops... You are not authorized to copy this content.