Preparado na ang Office of the Civil Defense ukon OCD kag iban nga mga ahensya sang gobyerno sa bug-os nga Western Visayas sa posible kahalitan bangud sa bagyo Ompong…. Suno kay Celeste Milan officer III sang OCD Regional Office VI, ila na ginpahamtang sa “Blue aler”t ang bug-os nga rehiyon sa diin ginpahanda na ang mga talatapan sang DSWD, LGU’s kag iban pa nga mga ahensya sang gobyerno nga magpreparar na sa bagyo Ompong nga may dala nga madamul nga ulan, mabaskog nga hàngin kag dalagku nga balud sa kadagatan nga posible ma-eksperyensyahan sa bug-os nga rehiyon. Dugang pa ni Milan, kon ginakinahanglan ang pre-emptive evacuation sa mga delikado nga lugar, dapat himuon ilabe na sa mga landslide phrone areas, mga kasubaan nga masami gina-agyan sang mabaskog nga daludo sang tubig-baha. Ginapaandaman man ang mga mangingisda nga indi magpanagat agud malikawan ang disgrasya. Panugyan ni MIlan sa publiko nga magpamati sa radyo para sa pinaka-ulihi nga weather updates halin sa Philippine Atmospheric Geographycal and Astronomical Services Administration ukon PAG-ASA.
What’s your Reaction?
+1
+1
+1
+1
+1
+1
+1
