GINPATIGAYON NGA ELEKSYON SA PRK. HERVIAS DOS, BRGY. VILLAMONTE, NAG AGI SA HUSTO NGA PROSESO – KAPITAN FLORES

Share on facebook
Share on google
Share on pinterest
Share on twitter
Share on print
Ginklaro ni Barangay Villamonte Kapitan Romell Flores nga nag-agi sa husto nga proseso ang ginpatigayon nga eleksyon sa Purok Hervias Dos sadtong tinalikdan nga Domingo Setyembre 24, 2018}. . Suno kay Flores, antes ang eleksyon, nag-meeting sila sang makaduha ka beses upod ang mga nagpapili sa amo nga purok, agud klaruhon ang pagsulondan sa pagboto kag ini ang gin-ugyonan sang tanan. Ginsunod man nila ang ruling sang Commission on Election sa pagpatigayon sang eleksyon. Dugang pa sini, ang tanan nga nagboto halin sa Arao Relocation Site sa Barangay Vista Alegre, mga botante sang Hervias Dos kag ila man ginbase man ang ngalan sa pagboto sang nagligad nga Mayo 14 nga barangay elections. Ginpanginwala sang Kapitan ang alegasyon nga ginpangunahan sang iya asawa ang nagdaug sa pagka presidente sa purok nga si Boyet Lanojan. Paathag pa ni Flores, kon nakit-an gid man ang iya asawa sa lugar, ina bangud botante man sila sa amo nga purok. Sa pihak sang tanan, nagapangabay ang Kapitan sa pumuloyo sang Hervias Dos nga buligan na lamang siya nga mapasanyog ang purok sa baylo nga magreklamu.

PROVINCIAL ADMINISTRATOR: MAY MGA NEGRENSE SA GIHAPON NGA WALA NAGAPATI SA BENEPISYO SANG COVID-19 VACCINES

May mga Negrense sa gihapon nga wala  nagapati sa benepisyo  sang COVID-19 vaccines.

Ini ang ginpahayag ni Provincial Administrator Atty. Rayfrando Diaz II.

Suno kay Diaz, ini nga mga persona ang residente sang banwa ukon syudad  nga may manubo  nga turnout ukon compliance sa vaccination program.

Dugang pa ni Diaz,  may mga local government units (LGUs)  man nga nagatinguha agud makombinsir ang ila  mga pumuluyo  agud  magpabakuna,  sa diin iban sa mga ini ang ginahatagan pa sang ayuda  nga bugas ukon pagkaon.

Apang  ginklaro ni Diaz  nga wala man ginapilit sang gobyerno probinsiyal ang mga wala sang gana sa pagpabakuna.

Sa karon  ginatutukan sang probinsiya  ang mga lugar   nga may  maayo  nga resulta sa implementasyon sang vaccination program, agud malab-ot ang ginatarget nga herd immunity. | Aksyon Marlon Genovea

PFIZER NGA BAKUNA SANG NEGROS OCCIDENTAL PAGAUSARON UMPISA HUNYO 28

1,000 ka mga persona kada adlaw ang target nga mabakunahan sang Pfizer-BioNTech COVID-19 Vaccine sa Negros Occidental.

Suno kay Provincial Administrator Atty. Rayfrando Diaz II, maga umpisa  ang pagbakuna   sa Hunyo 28  tubtub Hulyo 2, 2021  sa duha ka mga gindesignar  nga vaccination sites.

Ini amo ang Teresita L. Jalandoni Provincial Hospital sa syudad sang Silay    kag Negros Residences sa syudad sang Bacolod.

May 300 ka mga tawo ang target nga mabakunahan sa Silay kada adlaw, samtang 700 naman sa Bacolod.

Gin-athag ni Diaz nga may 2 lamang ka vaccination areas nga gintalana ang probinsiya, bangud diri nahamtang ang Ultra Low Freezer  para sa Pfizer vaccines.  | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.