GINA DUSO NGA PAG DUMILI SA PAG-USAR SANG PLASTIC STRAW SA BACOLOD, PASADO NA SA SECOND READING

Share on facebook
Share on google
Share on pinterest
Share on twitter
Share on print

Pasado na sa second reading ang proposed ordinance nga nagadumili sa pagdistribute kag paggamit sang plastic straw kag stirrer sa syudad sang Bacolod.

Suno kay City Councilor Wilson Gamboa Jr., author sang proposed ordinance, unanimous nga gin aprubahan sang konseho ang ginaduso sini nga ordinansa sa second reading matapos depensahan ang pila ka mga pamangkot sang iban nga konsehal.

Ginpaathag ni Gamboa nga ang proposed ordinance ang magkatuhay sa plastic ordinance nga nagaregulate sang plastic bag sa mga establishmento ni City Councilor Em Ang nga napasar tuig 2011.

Suno kay Gamboa, wala man sang may nagpamatok gikan sa stakeholders sa gina duso sini nga ordinansa.

Tuyo sang ordinansa nga mapahagan-hagan ang plastic waste sa Bacolod kag pag usar sang single-use plastic nga plastic straw kag stirrer.

Ini man nga proposed ordinance ang naga haylo sa pumuluyo nga mag usar sang metal straw, bamboo straw kag iban pa nga alternatibo.

Natalana nga ipasulod ni Gamboa sa third kag final reading ang proposed ordinance sa masunod nga session sang Sangguniang Panlungsod. | Via Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.