Nasapwan ang bangkay sang isa ka dalagita nga hublas sa Kampo 9-10 (nueve-diyes), sa ibabaw nga porsyon sang Linao Bubong, Barangay San Miguel, syudad sang La Carlota las 6 kaina sang aga, Myerkoles.
Suno sa report ni Aksyon Radyo La Carlota Correspondent Percival Villamor, isa ka nagapangahoy kuntani ang nakasapo sang bangkay matapos nagduda ini sa nakita nga kinutkutan sa may kawayanan rason nga iya ginhawanan ang mga kagingking kag didtu nakit-an ang tiil sang dalagita.
Dugang pa, sang gin usisa na sang otoridad nakit-an nga ang dalagita may pilas sa likod sang iya natuo nga dulunggan, igo sang luthang sang wala pa nahibaluan nga sahi sang armas kag nakita man ang pilas sa agtang nga mahimo agi sang matig-a nga bagay nga gin gamit sa paglampos sa iya.
Sa karon, blangko pa ang kapulisan sa identity sang dalagita samtang, nakita sa lugar ang relo, t-shirt nga puti kag tsinelas. | Aksyon Ann Defensor, Aksyon Percival Villamor