GIN ALEGAR SUSPEK SA PAG HIMULOS KAG PAPATAY SA MENOR DE EDAD, NADAKPAN

Share on facebook
Share on pinterest
Share on twitter
Share on print

Arestado ang gin alegar suspetsado sa paghimulos kag pagpatay sa 10 anyos nga bata nga babaye sadtong Oktubre 2019 sa Purok Silhigan, Barangay San Miguel, banwa sang Murcia.

Ang suspetsado ginkilala kay Edgie Gonzaga, 21 anyos kag nagapuyo sa amo man nga lugar.

Suno kay Murcia Mayor Gerry Rojas, naguwa na ang DNA result kag naga pakita nga ang sperm fraction nga nakuha sa biktima ang gikan sa suspek.

Suno Rojas, ang DNA test result ang pinakadako nga ebidensya nga nakapamatuod nga si Gonzaga, ang isa sa mga suspetsado sang krimen.

Apisar nga pito na ka bulan ang nakaligad, nagapati si Rojas nga masakit sa gihapon sa pamilya ang nadangatan sang ila himata apang bangud sang panibag-o nga development sa kaso mahimo mabuhin-buhinan ang kasubo nga ila ginabatyag.

Ginpasalamatan man ni Rojas ang mga kapulisan nga padayon nagtutok sa imbestigasyon sa kaso.

Sa lima ka mga persona nga nagpaidalom sa DNA test, si Gonzaga lamang ang nagpositibo samtang ang apat ka iban pa ang nagnegatibo.

Madumduman, una nga nangin person of interest si Gonzaga upod ang amay kag ginkuhaan sang spicemen.

Ang suspetsado, nadakpan paagi sa buybust operation kag nakuhaan sang gina-alegar shabu tinalikdan nga Mayo 26, 2020.

Samtang, sa exclusibo nga interview sang Aksyom Radyo-Bacolod kay Gonzaga, ginpanginwala sini ang akusasyon sang kapulisan sa iya.

Suno pa sini, wala siya sang kahilabtanan sa pagpatay kag pag himulos sa biktima.

Nagapangabay si Gonzaga sa kapulisan nga ipaguwa ang matuod nga suspetsado kag indi pagpasibangod sa iya.

Ang suspetsado priso na sa costudial facility sang Murcia PNP. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

PCG NAPAIDALUM SA HEIGHTENED ALERT TUBTOB ABRIL 2, 2024

Nag-augment sa Philippine Coast Guard ang nagkalain lain nga units kaangay sang 618 Auxilliary Squadron, Philippine Marine Reserve kag Maritime Police para magbulig sa pagbantay sa pagsulod kag pag gwa sang mga pasahero sa mga pwerto sa Negros Occidental kag ilabi na sa Bredco kag Banago Port.

Suno kay Commander Paterno Belarmino Jr. umpisa Marso 22 naka heightened alert na sila kag magalawig tubtob Abril 2.

Dugang pa ni Belarmino, amat amat na nga naga damo ang pasahero nga nagabyahe kag ginapaabot nga mas magdamo pa sa masunod nga inadlaw.

Panugyan ni Belarmino sa mga nagabyahe nga magsunod lang sa proper protocol para tayuyon ang lakat sang byahe kag mapabilin nga safe ang tanan nga pasahero. | PCG Photo

What’s your Reaction?
+1
0
+1
0
+1
0
+1
0
+1
0
+1
0
+1
0

116 KA MANUGSAGOD SANG BABOY SA TALISAY KAG SILAY NAKABATON SANG BULIG PINANSYAL

116 ka mga manugsagud baboy ang nakabaton sang bulig pinansiyal sa idalom sang Hog Raisers Assistance Program sang gobyerno probinsiyal sang Negros Occidental.

Ini nga mga benepisyaryo ang naghalin sa syudad sang Talisay kag Silay nga naapektohan sang pamalatian sang baboy, ilabi na ang hog cholera kag African Swine Fever (ASF).

Sa record sang Provincial Social Welfare and Development Office, may kabug-usan nga 5,000 ka mga benepisyaryo ang pagahatagan sang pinansiyal. Ang pagpanagtag ginapatigayon paagi sa ‘batch by batch’ sandig sa ila compliance sa mga ginaobligar nga dokumento.

Nagligad nga Pebrero, kapin sa 800 ka mga hog raisers sa 4th kag 5th districts nga ang ila mga ginasagud nga baboy ang nahalitan sang ASF, ang ginhatagan sang bulig pinansiyal.

Sa karon may mga hog raisers sa gihapon nga padayon naga-comply sa mga requirements, pareho sang certifications sa barangay kag Municipal Disaster Risk Reduction and Management Offices. | Capitol PIO Photo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.