Ginserbihan sang mandiamento de aresto ang gin-alegar miyembro sang New People’s Army ukon NPA sa Manggahan 2, Barangay Merville, syudad sang Parañaque.
Ang suspetsado ginkilala kay Roger Lumanog, 36 anyos alyas Jijie Lumanog, nagapuyo sa Camindangan, syudad sang Sipalay, apang temporaryo nga nagapuyo sa Parañaque.
Suno kay Lt Col Necerato Sabando, hepe sang Sipalay PNP, nagpadala lang sila sang komunikasyon sa Southern Police District nga may mandiamento de aresto ang suspetsado sa kaso nga murder nga ginpapanaog ni Judge Rodney Magbanua sang Regional Region Court Branch 61, syudad sang Kabankalan.
Dugang ni Sabando, si Lumanog ginatudlo nga nagapatay sa mga kaupod sini nga NPA nga nagsipak sa ila grupo.
Gin-alegar man, nga ang suspetsado amo ang nagasuply sang food ang medical products sa NPA. Si Lumanog temporaryo karun nga ginpriso sa custodial facility sa Taguig. | Aksyon Bryan Morden