GIN-ALEGAR HUBOG NABUNGGU-AN, PATAY

Share on facebook
Share on google
Share on pinterest
Share on twitter
Share on print

Patay na sang mag-abot sa Corazon Locsin Montelibano Memorial Regional Hospital (CLMMRH) ang 32 anyos nga soltero, matapos nga nabungguan sang Fortuner nga salakyan sa dalan Araneta, Barangay Sum-ag, syudad sang Bacolod alas 11:20 kagab-i, Sabado (Setyembre 15.

Ang biktima ginkilala kay Jessie Patingo, nagapuyo sa Sitio Mambaruto, Barangay Tu-oy, Syudad sang Himamaylan. Suno kay Sr/Insp. Jun Ray Batadlan, hepe sang Police Station 9, hubog nga nagtabuk sa dalan si Patingo kag wala matalupangdan ang nagapadulong nga Fortuner nga salakyan nga ginamaneho ni Virgilio Bayon, 29 anyos, soltero man kag residente sang Barangay San Juan banwa sang Pontevedra.

Dugang ni Batadlan, base sa panaysayon sang driver sang Fortuner, nagasunod siya sa ambulansya tungod didto ginsakay ang iya boss nga gindala sa ospital.
Pahayag pa sang opisyal, naka-angkon sang patal nga pilas si Patingo, rason nga gindeklarar patay ni Dr. John Francis Chua sang CLMMRH.

Samtang, daku man ang guba’ sang ulo sang Fortuner, bangud sang kabaskog sang pagkabunggo sini. Gilayon naman nga nagsungka sa otoridad ang suspetsado nga karon detinado na sa custodial facility sang Police Station 9.

MORE STORIES:

ANU ANG IMO MA KOMENTO?