Nagapangatubang sang patong patong nga kaso ang gin-alegar drug pusher sa syudad sang Victorias matapos naaktuhan nga nagbaligya sang ginasuspetsuhan shabu kag nakuhaan pa sang mataas nga kalibre sang armas sa iya puloy-an sa Ditching Subdivision, Brgy. 5, syudad sang Victorias.
Ang suspek ginkilala kay Ernesto Espera 46 anyos kag nagapuyo sa amo nga lugar.
Suno kay Lt. Col. Eduardo Corpuz, hepe sang Victorias PNP, lalong pa sa ilegal nga droga si Espera sang nadakpan sang mga pulis.
Dugang pa ni Corpuz, plano pa kon tani sang suspek nga magdalagan agud makuha ang iya KG9 submachine pistol apang napunggan.
Narekober sa suspek ang (15) kinse ka heat-sealed transparent plastic sachets sang ginasuspetsuhan shabu ginabulubanta 5 gramos ang kabug-aton kag may dangerous drug board value nga 34 mil ka pesos, kag drug paraphernalia.
Narekober man sa suspek ang isa ka KG9 9mm luger loaded sang isa ka long steel magazine nga may (21) biente uno ka bala sang 9mm ammunitions.
Priso si Espera sa Victorias City PNP kag nagapangatubang sang kaso viol of Sec. 5, 11 kag 12 sang R.A. 9165 kag R.A. 10591 ukon paghupot kag pagbaligya sang ilegal nga droga kag paghupot sang ilegal nga armas. | Aksyon Alvin Grava
