GASATAYA, NOVERO GINA ABI-ABI ANG PAG SUSPEND SANG GOBYERNO SA PAGPAPULI SA MGA LSI

Share on facebook
Share on pinterest
Share on twitter
Share on print

Gina abi-abi nanday Congressman Greg Gasataya kag Councilor Renecito Novero ang tikang sang gobyerno nasyunal nga pag suspend sang duha ka semana sa pagpapuli sa mga Locally Stranded Individuals ukon LSIs pabalik sa Bacolod kag Negros Occidental.

Suno kay Gasataya, insakto ang tikang nga gihimo ni Defense Secretary Delfin Lorenzana nga pag suspend sang byahe sang mga LSI sa Western Visayas lakip na ang probinsya kag Bacolod kasunod nga naga pakita sa datus nga nagsaka ang Covid-19 positive sa syudad bangud sa mga naga puli nga LSI.

Dugang pa ni Gasataya, dapat ma plastar una ang mga pasilidad nga paga butangan sa mga LSI kag para man ini sa safety indi lamang sa mga naga puli kundi sa pumuluyo sang syudad.

Sa bahin ni Councilor Renecito Novero, chair sang Quarantine Center Action Team sang syudad, iya gin pahayag nga dako nga bulig ang suspension sang byahe sang LSI para mapalayo ang risgo nga mag taas ang Covid-19 infections sa syudad.

Sa nahibaluan, kalabanan sa mga kaso nga na record sa Bacolod amo ang LSI ukon OFWs. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

QR CODE SA MGA COMMERCIAL SEX WORKER, GINSUHESTYON

Ginpahayag ni City Legal Officer Atty. Romeo Carlos Ting Jr. nga ginarekomendar nga hatagan sang QR Code ang mga Commercial Sex Workers (CSW).

Ini matapos ang inspeksyon sang City Health Office, DSSD, City Legal Office kag Permits and Licensing Office sa Goldenfield Commercial Complex kag nahibaluan nga iban nga CSW ang wala sang pink card.

Ang pink card ang ginahatag sa CSW para pamatuod nga hilway sila sa mga makalalaton nga masakit.

Ginpahayag ni Ting, sa inspeksyon, may yara man sang CSW nga ginadudahan nga menor de edad, pero nagpakita sang ID nga 19 anyos na ini pero ila ginakwestyon bangud natabunan ang iya itsura.

Ginatan-aw ni Ting nga wala sang bayolasyon kon may QR code ang mga CSW bangud seguridad man sang tawo ang ginahambalan kag ang ginakabalak-an nga may menor de edad sa sini nga sahi sang trabaho.

Sa record sang Bacolod CHO, sang 2023 may 159 ka pink card nga na isyu samtang 46 naman subong nga 2024.

What’s your Reaction?
+1
0
+1
0
+1
0
+1
0
+1
0
+1
0
+1
0

SPOKESMAN: MAYOR ALBEE MAY LIMA KA OPTIONS SA 2025

Ginpahayag ni Brgy. Singcang Airport Kapitan kag Spokersperson ni Bacolod Mayor Albee Benitez Atty. Ceasar Distrito nga indi pa pulitika ang focus sa karun sang alkalde.

Sa interview sa Aksyon Hotline, ginpahayag ni Distrito, ang focus sa karun ni Mayor Benitez amu ang pagpadasig sa pag-implementar sang mga proyekto sa Bacolod.

Suno kay Dristrito, apisar nga indi pa focus sang alkalde ang 2025 elections, ginpahayag ni Distrito nga may lima ka options ang alkalde sa nasambit nga eleksyon.

Una amu ang pagpapili sa mas mataas nga posisyon ukon sa pagka-senador, ika-duha magpa re-elect bilang alkalde, ika tatlo magbaylohanay sila ni Congressman Gasataya sang position, kag ika-apat amu ang indi na pagpapili sa pulitika kag ika lima batunon ang tanyag nga mangin isa sa gabinete ni Presidente Ferdinand Marcos Jr.

Suno pa kay Distrito, ginpahayag sang alkalde nga kun ano ang makapaayo para sa Bacolod kag para sa pumuluyo amu ang iya mangin desisyon sa 2025 elections.

Nagnubo ang residential rate sang kuryente sang Central Negros Electric Cooperative, Inc. (CENECO) para sa sini nga bulan sang Marso.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.