Gina paabot ni Bacolod Congressman Greg Gasataya nga maka dihon na sang naga kaigo nga programa ang DSWD National angut sa iya gin pangayo nga bulig para sa mga Bacolodnon nga apektado sang naga padayon nga implementasyon sang Modified ECQ.
Suno kay Gasataya, nangin positibo ang sabat ni DSWD Secretary Rolando Bautista sa iya gin palab-ot nga concern apang indi pa sini mahibaluan kon ano nga sahi sang programa ang himuon sang amo nga departamento base man sa damlag lang gin aprobahan nga Bayanihan 2.
Dugang pa ni Gasataya, ang pagtaas sang kaso sang COVID-19 sa Bacolod ang nagresulta sang dako nga epekto sa palangabuhian kag negosyo bangud man sa gin patuman nga mga community regulation.
Naga laum man ang Kongresista sang madasig nga pag akto sang amo nga departamento. | Aksyon Art Tayhopon
