GASATAYA: DOLE REGION 6 MAY DUGANG NGA 157M PARA SA CAMP PROGRAM

Share on facebook
Share on google
Share on pinterest
Share on twitter
Share on print

Gin anunsyo ni Congressman Greg Gasataya nga may yara sang dugang nga pondo ang DOLE Region 6 nga 157 milllion pesos para sa pagpatuman sang Covid-19 adjustment Measures Program ukon CAMP.

Suno kay Gasataya, ini nga programa ang para sa mga nawad-an sang trabaho bangud sa Covid-19 pandemic kag makabaton sila sang tag 5,000 pesos nga ayuda.

Madumduman, nanawagan si Gasataya paagi sa iya privilege speech sa DOLE nga mag pain sang dugang nga pondo sa sini nga programa matapos nga madamo pa sang mga pumuluyo ang wala naka avail sang sini nga programa sa rehiyon.

Gin paathag ni Gasataya, prayoridad sang DOLE ang mga nag apply sadto sa programa pero wala nakabaton sang ayuda bangud naubusan sang pondo kag nag apply man sa SSS pero wala man nakabaton sang bulig. Suno kay Gasataya, dapat liwat nga mag parehistro online paagi sa website sang DOLE.

Naga pasalamat ang Kongresista sa tikang nga gin himo sang DOLE matapos ang iya gin himo nga previlege speech kag gin pasar nga resolusyon nga naga pangabay kay DOLE Secretary Silvestre Bello III nga buligan ang mga establisamento nga wala nakabaton sang benepisyo sa CAMP kag sa gobyerno. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.