GASATAYA: BACOLOD MAGABATON SANG EMERGENCY SUBSIDY GIKAN SA DSWD

Share on facebook
Share on google
Share on pinterest
Share on twitter
Share on print

Maga baton ang syudad sang Bacolod sang emergency subsidy gikan sa DSWD kasunod sang pag patuman sang Modified ECQ.

Ini ang gin anunsyo ni Congressman Greg Gasataya matapos ang letter-reply ni DSWD Secretary Rolando Bautista napetsahan Septembre 24 angut sa iya pangabay nga kon mahimo makabaton ang mga Bacolodnon sang financial assistance.

Nag ligad nga Septembre 8 sang una nag padala sang sulat si Gasataya kay Bautista.

Sa interview sang Aksyon Firing Line, gin pahayag ni Gasataya, tatlo ka klase ang maka baton sang emergency subsidy, una ang mga sektor nga na apektuhan sa pagpatuman sang MECQ, ang mga gin paidalum sa granular lockdown, kag ang mga persona nga kwalipikado pero wala nalakip sa SAP.

Nag panugyan si Gasataya sa transport sector kag iban pa nga hulaton ang anunsyo sang DSWD angut sa proseso sa pag apply para makakuha sang ayuda.

Sa impormasyon ni Gasataya, palarehas ang balor sang emergency subsidy nga mabaton sang mga kwalipikado.

Ang DSWD ang may 6 billion pesos nga pondo sa idalum sang Bayanihan 2 para sa pagpatuman sang mga programa angut sa mga na apektuhan sa Covid-19.

Lubos ang pasalamat ni Gasataya kay Bautista kag sa DSWD Region 6 sa pag akto sa iya nga pangabay bangud dako ini nga bulig para sa mga taga Bacolod. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.