FRONTLINER NGA CLOSE CONTACT SANG NAPATAY SA COVID-19 SA KABANKALAN, POSITIBO MAN SA VIRUS

Share on facebook
Share on google
Share on pinterest
Share on twitter
Share on print

Nagpositibo man sa Covid-19 ang frontliner nga naka close contact sang Kabankalan Assistant City Engineer nga napatay sa Covid-19 sadtong Nobyembre 15, 2020.

Ini siya amo ang 32 anyos nga lalaki sang Brgy. Talubangi Kabankalan.

Sa record sang City Health Office, ini nga frontliner ang nagsugat sa puluy-an sang assistant engineer agud dal-on sa Corazon Locsin Montelibano Memorial Regional Hospital Bacolod.

Nobyembre 16 tubtub 19, siya ang ginpaidalom sa istrikto nga home quarantine, kag ginkuhaan sang RT-PCR test Nobyembre 20.

Nobyembre 23 sang magwa ang resulta sa diin ini ang positibo man sa Covid-19.

Ang napatay nga assistant city engineer ang nagabatyag sang masakit nga diabetes kag hypertension, kag amo ang ika 7 nga Covid-19 death sa Kabankalan. | Aksyon Marlon Genovea

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.