FAMILIARAN: PATIENT 5 WALA NA REPORT NGA NAG NEGATIBO SA VIRUS

Share on facebook
Share on google
Share on pinterest
Share on twitter
Share on print

Gin klaro ni Bacolod Vice Mayor El Cid Familiaran nga naga pabilin nga positibo sa virus si Parient 5 nga residente sang Doña Juliana, Subdivision, Brgy. Taculing, syudad sang Bacolod.

Indi matuod ang report suno sa Bise-Alkalde nga si Patient 5 ang una nga nag negatibo sa virus kag liwat nga nag positibo.

Si Patient 5 ang 28 anyos nga lalaki nga may travel history sa USA kag Manila.

Gin pahayag sadto ni Dr. Grace Tan, spokesperson sang Bacolod Inter-Agency Task Force Against Covid-19, si Patient 5 ang gin-discharge sa hospital kag gin paidalum sa home quarantine matapos nga ginakabig siya nga clinically well ukon wala na sang sintomas nga ginabatyag.

Pero sang liwat nga gin paidalum sa swab test ang pasyente ang naga pabilin nga positibo sa masakit.

Suno kay Familiaran, nagapabilin nga ultra risk area ang balay ni Patient 5.

Sa pinakaulihe nga datus gikan kay Dr. Tan, Covid-19 Free na si Patient 1, 2, 3 4 kag 7 pero si Patient 3 ang naga pabilin pa sa hospital.

Samtang, nag negatibo naman sa virus ang pito ka mga probable Covid-19 nga napatay sa Bacolod.

Masobra pa sa isa ka gatos ang resulta sang Covid-19 test nga gina hulat sang Bacolod.

MORE STORIES:

error: Ooops... You are not authorized to copy this content.