FAMILIARAN NANAWAGAN SA MGA NEGOSYANTE NGA SAWAYON ANG ILA CUSTOMER NGA WALA NAGATUMAN SANG HEALTH PROTOCOL

Share on facebook
Share on google
Share on pinterest
Share on twitter
Share on print

Nanawagan si Bacolod Vice Mayor El Cid Familiaran sa mga negosyante nga sila na mismo kuntane ang mag saway sa ila mga customer nga wala naga sunod sa health protocol.

Ini matapos nga na obserbaran ni Familiaran nga indi matuman ang social distancing kag may iban nga wala naga suksok sang face mask sa mga kapehan sa area sang Barangay Granada, Alangilan, Barangay Villamonte kag iban pa.

Suno kay Familiaran, madamo na sa karon ang naga bike bangud health conscious kag may mga biker kag indi man biker ang wala naga sunod sa health protocol sa nasambit nga mga lugar.

Naga laum si Familiaran nga mahangpan ini sang mga negosyante bangud sa ila man naga kadto ang ginansiya.

Samtang, gin klaro ni Familiaran nga makasulod na sa mall ang mga naga-edad 15 tubtub 65 anyos.

Ini ang sabat ni Familiaran kasunod sang pamangkot sang tagdumalahan sang isa ka mall sa syudad kon bala ginatugutan na ang pagpasulod sa pihak nga wala pa sang pormal nga komunikasyon gikan sa Local Government Unit.

Suno kay Familiaran, dapat sundon ang National IATF Resolution no. 79 nga nagapatuman sang regulasyon sa pihak nga wala sang executive order nga ginpapanaog si Bacolod City Mayor Evelio Leonardia.

Ang pagbag o sa age limit nga ginagutan nga makagwa, isa sa mga tikang sa tuyo nga mapa-amat amat balik ang ekonomiya sa pungsod. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.