FAMILIARAN: MASSKARA FESTIVAL 2019 NANGIN MADINALAG-ON; CRIME INDEX KAG TRAFFIC INCIDENT, NAG NUBO

Share on facebook
Share on pinterest
Share on twitter
Share on print

Nagnubo sang 63% ang crimes against persons & property ikumparar sa 43% nga pagnubo nagligad nga tuig sa pagsaulog sang masskara festival.

Sa traffic accident may 76% nga pagnubo ikomparar nagligad nga may 52% lang.

Suno kay Bacolod City Director Police Col. Henry Biñas ang pagplastar sang pnp personnel sa 8 focus crime nakabulig nga napanubo ang krimen sa 20 ka adlaw nga masskara festival.

Magluwas sini ang kooperasyon nga ginpakita sang pumuloyo sa kapulisan sa masskara festival isa man sa nakahatag katawhayan sa syudad.
Ang kagutok sang trapiko, kakulang sang metal detector kag metal barriers sa screening area ang dapat e -improved sa masunod nga masskara festival.

Ginpasalamatan ni Biñas ang mga opisyales sang syudad sa wala untat nga suporta sa ila mga kinahanglanon sa tion sang selebrasyon.

Nag pasalamat si Bacolod Vice Mayor El Cid Familiaran sa tanan nga pulis nga gin pahamtang sa syudad sa pag saulog sang 21 ka adlaw nga MassKara Festival 2019.

Gina kabig ni Familiaran nga madinalag-on ang Ruby MassKara bangud madamo sa gihapon sang mga tawo ang nag kadto sa mga festival sites apiesar nga nag ulan.

Gina panginbulahan man ni Familiaran ang publiko nga nag kooperar sa otoridad apiesar sang mga reklamo nga ila gakabatunan kaangay sang signal jamming kag pag dumili sa pag sulod sa festival site nga naka backpack.

Samtang, wala pa sang ideya si Familiaran kon bala may mga pulis nga gin augment sa MassKara ang ipabilin sa Bacolod kasunod nga may resolusyon na sadto nga gin aprubahan ang SP nga naga pangabay sang dugang nga pulis para sa Bacolod PNP.

Sa pihak nga bahin, nagtanyag sang libre sakay ang Philippine Coast Guard para sa mga pulis nga nagserbi bilang peace and security officers sa bag-o lang natapos nga Masskara.

Suno kay Negros Occ. Philippine Coast Guard Commamder Lt. Senior Grade Rockliff Buling, 300 ka mga pulis ang sakay sa ila Multi Roll Response Vessel ukon MRRV4411 nga nagbiyahe kaina sang aga pabalik sa Iloilo.

Dugang pa ni Buling ang MRRV4411 ang nag-abot tinalikdan nga semana para sa seguridad sa palibot sang probinsya, kag nangin kabahin sa ginpatigayon nga sea borne patrol, search and rescue operations kag iban pa.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.