MENU

FAMILIARAN LIWAT NAGSUHESTYON SANG BACOLOD NIGHT MARKET

  • at 6:43 pm
Share on facebook
Share on pinterest
Share on twitter
Share on print

Liwat nga ginasuhestyon ni Vice Mayor El Cid Familiaran ang paghimo sang night market sa syudad sang Bacolod para sa mga displaced market vendors.

Ini matapos ang pagsinapol sang DILG Bacolod upod si Familiaran, mga Punong Barangay kag lakip sa mga gintalakay ang road clearing operations 2.0 sang Martes sang hapon.

Una na nga ginpalawig sang DILG ang deadline sa road clearing operations humalin sa Enero 15 pakadto sa bulan sang Marso.

Suno kay Familiaran, ang suhestyon ang iya una nga gin palab-ot kay Executive Assistant Ernesto Pineda para sa nagakaigo nga pagtuon.

Dugang pa sang bise-alkalde, tuyo sang nigh market nga ang mga market vendor nga indi ma akomodar sa pagbaligya sa aga, ang hatagan sang oportunidad nga makabaligya sa gab-i.

Ini ang ginalantaw nga solusyon ni Familiaran para indi na nga magpasaway ukon iligal nga magbaligya ang mga magagmay nga negosyante. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

HINLO: MGA NAG RESIGN NGA MIEMBRO SANG PDP-LABAN MAY IHIBALO SA PLANO SA 2025

April 25, 2024

Ginlaragway ni Partido Demokratiko Pilipino – Lakas ng Bayan (PDP-Laban) deputy secretary general for Visayas, Atty. Jesus “Jayvee” Hinlo nga wala sa lugar ang ginhimo nga pagresign sang pulo (10) ka mga opisyal sang syudad sang Victorias, sa PDP-Laban Negros Occidental.

Ginklaro ni Hinlo nga may ihibalo ang mga aktibo nga miyembro sang ila partido sa plano nga pagpahamtang kay anay Victorias City Mayor Francis Frederick “Wantan” Palanca bilang kandidato sa pagka-gobernador sa Negros Occidental sa 2025 nga eleksyon sa idalom sang PDP-Laban.

Gin-ako ni Hinlo nga nakibot siya sa ginhimo nga pagresign ni Victorias City Vice Mayor Abelardo Bantug III kag siyam (9) ka mga konsehal sang syudad.

Nagapati si Hinlo nga suportahan sang taga syudad sang Victorias si Palanca, kun madayon ang pagkandidato sini bilang gobernador.

Si Hinlo ang gin-appoint bilang opisyal sang PDP-Laban sa Visayas nagligad nga Disyembre 2023, samtang si Palanca amo naman ang bise presidente sang partido sa Negros Occidental.

What’s your Reaction?
+1
0
+1
0
+1
0
+1
0
+1
0
+1
0
+1
0

COMELEC BACOLOD GINPAGWA NA ANG SCHEDULE SANG DUGANG NGA BARANGAY SATELLITE REGISTRATION

April 25, 2024

Ginpagwa na sang Comelec Bacolod ang schedule sang batch 2 sang satellite registration sa mga Barangay. Ginpahayag ni City Election Officer Atty. Kathrina Trinio-Caña, una nila nga padulungann sa Batch 2 ang Barangay Granada sa maabot nga Abril 27.

May registration ang Comelec Bacolod sa Handumanan sa Mayo 4, Barangay Sum-ag sa Mayo 11, Barangay Alangilan sa Mayo 18, Barangay Vista Alegre sa Mayo 25, Barangay Cabug sa Hunyo 1 kag Barangay Estefania sa Hunyo 8.

Suno kay Trinio-Caña, iban sa mga Barangay ang ila na nakadtuan antes ang Barangay kag SK Elections 2023.

Ginpahayag ni Trinio-Caña, nga may mga plano man nga magpatigayon sang satellite registration sa mga buluthuan sa pagbukas sang panibag-o nga school year.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.