FAMILIARAN: LIQUOR BAN KAG CURFEW IPATUMAN SA TION SANG GCQ

Share on facebook
Share on google
Share on pinterest
Share on twitter
Share on print

Ipatuman sa gihapon sa syudad sang Bacolod ang liquor ban kag ang curfew umpisa las 10 sang gab-i tubtob las 4 sang kaagahon sa tion nga madayon ang pagpatuman sang General Community Quarantine ukon GCQ sa Mayo 16.

Suno kay Vice Mayor El Cid Familiaran, chairman sang Bacolod IATF, ini bilang pag sunod sa guidelines nga gin isyu sang National IATF sa mga lugar nga gin paidalum sa GCQ.

Dugang pa ni Familiaran, ipatuman man ang timprano nga pag sira sang mga negosyo sa Bacolod sa tion sang GCQ.

Gin paathag ni Familiaran, nga indi buot silingon nga GCQ na ang lugar, wala na sang virus sa syudad rason nga kinahanglan sa gihapon ang mga precautionary measures kontra Covid-19 bangud wala nahibaluan kon bala may mga asymtomatic pa naga libot sa Bacolod.

Suno pasa bise-alkalde, ang HQP ang applicable sa mga wala naga trabaho kag mas maayo nga mag pabilin sa balay samtang ang mga may trabaho ang exempted naman sa tion sang GCQ.

Una nga gin pahayag ni Mayor Evelio Leonardia nga kinahanglan pa nga aprubahan sang National IATF ang ila rekomendasyon nga mag-downgrade sa GCQ antes ini nga ipatuman. | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.