FAMILIARAN: CONTACT TRACING SA NAKA SUGILANON NI PATIENT 14, NAGA PADAYON
Posted by:
News Desk
|
June 3, 2020
at
6:55 pm
Share on facebook
Share on pinterest
Share on twitter
Share on print
Naga padayun ang contact tracing sang Bacolod City Health Office upod ang katapo sang PNP kag CIDG sa mga persona nga nakasugilanon ni Patient 14.
Si Patient 14 ang isa ka 36 anyos nga babaye kag anay DepEd Nurse kag naga trabaho sa karon sa pag export kag import sang essential goods.
Suno kay Vice Mayor El Cid Familiaran, chair sang Bacolod IATF, wala sang pormal nga mando gikan sa otoridad nga mag lockdown ang isa ka banko sa dalan Lacson kundi ini ang ila inisyatibo kasunod nga si Patient 14 ang nakakadto sa lugar sang kapin duha ukon tatlo ka beses.
Gin paathag ni Familiaran, natabo ini samtang wala pa napaidalum sa test ang pasyente.
Suno sa Bise-Alkalde, stable ang kondisyon ni Patient 14 kag karon naka home-quarantine.
Sa advisory nga naka post sa pasilidad sang banko, gin pahayag sang tagdumalahan nga ang amo branch ang naga paidalum sa routine preventive maintenance para sa padayun nga proteksyon sang ila kliyente kag empleyado.
Nabutang man sa advisory nga sa Hunyo 11 magabalik sa operasyon ang bangko. | Aksyon Dale Salazar
Gina imbestigahan sang syudad sang Bacolod ang gin alegar pag tamper sang resibo nga gin isyu sa violator nga gin isyuhan sang citation ticket sang Bacolod Traffic Authority Office.
Suno kay Jose Antonio Robello, deputy head sang BTAO, 2,300 pesos ang penalidad sang lalaki nga violator bangud nag maneho sang motorsiklo nga wala sang helmet kag driver’s license nagligad nga Abril 18, 2024.
Sa amo nga penalidad, 1,000 pesos ang bayad sa towing, samtang 1,300 pesos sa pag drive nga wala sang helmet kag wala sang lisensya.
Ginpahayag ni Robello, nagbayad ang violator sang 1,300 pesos sa babaye nga cashier sang City Treasurer’s Office nga assign sa BTAO pero gin alegar 300 pesos lamang ang gin encode.
Gin alegar nga ginbutangan sang cashier sang ‘1’ ang resibo para ini ang mangin 1,300 pesos.
Suno kay Robello, sa ila nga pag usisa, 300 lamang ang nagsulod sa system nga bayad bisan 1,300 ang ginbayaran sang violator.
Ang reklamo ang una gin padangat sa Isugid kay Mayor nga programa. Ang cashier nga ginareklamo ang isa ka regular nga empleyado.
Luyag lamang ni Robello nga maklaro nga wala sang BTAO personnel ang imbolbado dire.
Ginklaro sini nga wala sila nagabaton sang kwarta nga bayad sang mga violator kundi naga isyu lamang sang citation ticket.
REAKSYON NI MAYOR ALBEE
Dismayado si Bacolod Mayor Albee Benitez sa nabaton nga reklamo batuk sa cashier sang City Treasurer’s Office nga assign sa BTAO bga gin reklamo nga nag tamper sang resibo.
Sa interview sang media, Myerkules, ginpahayag sang Alkalde, nga atubangon sang regular nga empleyado ang konsekwensya kag ini ang ipaidalum sa due process.
Ginkumpirmar ni Benitez nga gin saylo na ang ginareklamo sa iban nga trabaho kag indi na cashier nga assign sa BTAO. Ginpahayag ni Benitez, indi na sini kinahanglan nga suliton ang iya panindugan batuk sa korapsyon kag posible luyag nila nga may ma ‘sampolan’.
Gina kilala naman sang alkalde ang mga tawo nga nagapangisog nga mag reklamo kontra korapsyon bangud nagapati nga ang pagtinlo sa gobyerno ang indi lamang iya responsibilidad.
Nagpasiguro si Benitez nga iya gilayon aktuhan ang mga ginapadangat nga reklamo.
Ginklaro ni United Negros Alliance (UNegA) Secretary General Cadiz City Mayor Salvador Escalante Jr., nga magapabilin ang suporta sang ila lokal nga partido sa kandidatura ni Governor Bong Lacson sa Mayo 2025 nga eleksyon.
Ini bisan pa nga madayon ang pagkandidato ni anay Victorias City Mayor Francis Frederick “Wantan” Palanca, bilang gobernador sang Negros Occidental sa idalom sang Partido Demokratiko Pilipino–Lakas ng Bayan (PDP–Laban).
Suno kay Escalante, isa siya sa mga miyembro sang PDP-Laban apang magapabilin ang iya commitment kag sang UNegA, sa kandidatura ni Lacson.
Kun madayon ang pagkandidato ni Palanca, si anay Mayor kag karon Toboso Councilor Richard Jaojoco amo ang makatandem sini bilang bise gobernador.
