Gin pahayag ni Vice Mayor El Cid Familiaran nga naga kaigo na ang 300 million pesos nga balor sang bakuna sang AstraZeneca nga pagabaklon sang syudad sang Bacolod sa tion nga ini ang mangin available na.
Suno kay Familiaran, para sa iya personal nga opinyon, indi dapat mag basta-basta mag order sang bakuna tubtob nga mahibaluan ang numero sang magpabakuna bangud ang vaccine ang may yara sang lifespan.
Nag suhestyon ang bise-alkalde nga mag patigayon sang survey.
Ang Bacolod City ang may masobra 500,000 ka mga populasyon.
Pero suno kay Familiaran, kon iya ka AstraZeneca nga bakuna ang usaron, indi malakip sa vaccination ang mga naga edad panubo 18 anyos nga iya gina lantaw nga yara sa 200,000 ka mga kabataan sa syudad.
Suno sa Bise-Alkalde, may yara sang mga pribado nga kompaniya kag korporasyon nga sila man ang maga bayad sang vaccine para sa ila mga empleyado.
Ang pagpabakuna ang indi mandatory kundi voluntary kag may yara sang waiver nga paga pirmahan.
Sa karon, wala pa mahibaluan ang pat-od nga petsa kon san-o mag abot ang vaccine sa Bacolod. | Aksyon Dale Salazar
