FALL ARMYWORM NAG ATAKE SA MGA PANANOM PROBINSYA

Share on facebook
Share on pinterest
Share on twitter
Share on print

Posible nga mag-usmod ang industriya sang mais sa Negros Occidental kun indi sa gilayon matapna ang halit nga gintuga sang fall armyworm.

Suno kay Provincial Agriculturist Atty. Japhet Masculino, masyado ka makakululba ang pagpang-atake sang amo nga peste bangud madasig ini nga magdamo kag sarang nga makapangitlog ang babaye sang tubtub 200.

Dugang pa ni Mascolino, ini nga peste ang orihinal nga naghalin sa estados unidos kag nagsaylo sa Negros Occidental paagi sa direksyon sang hangin kag pwede man nga makapanghalit sa humay, sorghum, kag tubo.

Suno kay Mascolino nag abot na sa probinsiya ang mga personnel sang Bureau of Plant Industry Crop Pest Management Division sang Western Visayas, agud magpatigayon sang imbestigasyon.

Pila sa mga ipatuman nga plano amo ang pag spray sang insecticides kag biological control.

Ginatun-an man sang probinsiya ang pag-pain sang pondo halin sa Provincial Disaster Risk Reduction and Management Council.

Nagtukod sang Provincial Coordinating Task Force ang gobyerno probinsiyal agud tutukan ang pagtapna sa halit nga gintuga sang Fall Armyworm sa Negros Occidental.

Paagi sa Executive Order number 19-42 nga gin-isyu ni Governor Eugenio Jose Lacson, gintukod ang task force agud mapreparahan sang mas temprano ang mga tikang nga pagahimuon , mapasangkad ang pest surveillance kag management activities sang probinsiya sa koordinasyon sang mga Local Government Units kag concerned nga ahensiya sang gobyerno.

Magaserbe bilang Chairperson ang gobernador, co-chairperson si Committee on Agriculture Chairman Andrew Montelibano kag Action Officer si Provincial Agriculturist Atty. Japhet Masculino.

Ang task force magapatigayon sang sinapol isa ka bes sa kada kwarter.

Una nga nagpang-atake ang fall armyworm sa mga maisan sa syudad sang La Carlota kag banwa sang La Castellana. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.