MENU

EXPIRED NGA KARNE NGA NA STOCK SA STORAGE ROOM SANG ISA KA BALALIGYAAN SA LIBERTAD, NAKUMPISKAR SG TASK FORCE BOTAGOY

  • at 8:02 pm
Share on facebook
Share on pinterest
Share on twitter
Share on print

Nakumpiskar subong nga adlaw sang Task Force Botagoy ang expired nga mga karne nga naka-stock sa storage room sang isa ka balaligyaan sa Libertad diri sa syudad sang Bacolod.

Suno kay Task Force Botagoy head Edward Martin Pinaga, ini nga mga produkto ang ila nga nadiskubrehan samtang naga patigayon sang routine inspection sa lugar.

Dugang pa ni Pinaga, naglab-ot sa 300.75 ka kilo sang imported meat ang ila nga na-recover sa diin base sa ila nakuha nga record ini nga mga produkto ang gin manufactured sadtong tuig 2018 samtang Setyembre tuig 2020 naman ang expiration date.

Ini nga mga produkto ang sadto gin-deliver sang supplier nga G-fresh apang ini wala na gin balikan.

Gin tinguhaan sang Task Force Botagoy nga maka pakig-angut sa tagdumalahan sang amo nga kumbuyahan apang ini ang wala sang opisina sa Bacolod ukon contact person man lang nga ila puede ma sugilanon.

Suno pa kay Pinaga, ila na nga na dokumento ang amo nga operasyon samtang napalubong naman ang mga na recover nga karne sa bulig sang AVM Bernardo

What’s your Reaction?
+1
0
+1
0
+1
0
+1
0
+1
0
+1
0
+1
0

ANUM KA REGISTRATION SA COMELEC BACOLOD WALA GIN APRUBAHAN SANG ERB

April 16, 2024

Wala gin aprubahan sang Election Registration Board ukon ERB ang registration sang anum ka mga indibidwal sa Comelec Bacolod.

Ini kadungan sa pag umpisa sang ERB hearing subong nga semana sa masobra 12 mil ka mga indibidwal nga nag parehistro sa Comelec Bacolod sa una nga quarter sang tuig.

Suno kay Election Officer Atty. Kathrina Trinio-Caña, chair sang ERB, ang mga wala na aprubahan ang bangud may existing nga registration sa iban nga lugar, matapos nakit-an ang ila ngalan sa national list of registered voters sa Comelec national.

Ginpahayag ni Trinio-Caña, indi dapat ‘new’ ang application sang mga wala gin aprubahan kundi dapat ‘transfer of registration’.

Pero ginklaro ni Trinio-Caña nga pwede pa sa gihapon nga maka parehistro ang mga wala na aprubahan pero ‘transfer of registration’ na ang type of application.

Gina amat-amat naman deactivate sang ERB ang 24 mil ka mga registration nga napaslawan nga makaboto sa duha ka sunod-sunod nga eleksyon.

Iga cleanse man sang Comelec ang listahan sang mga botante nga nagtaliwan na ukon nagsaylo sang ila registration.

What’s your Reaction?
+1
0
+1
0
+1
0
+1
0
+1
0
+1
0
+1
0

LOVE NEGROS GINAHULAT ANG DESISYON SANG UNEGA SA MANGIN KANDIDATO BILANG BISE GOBERNADOR

April 16, 2024

Ginahulat sa gihapon sang local political group nga Love Negros ang desisyon sang local political party nga United Negros Alliance (UNegA), kun sin- o ang mangin kandidato sini sa pagka-bise gobernador sa 2025 nga eleksyon.

Suno kay Governor Bong Lacson, ang sin-o man nga mapilian sang UNegA amo ang iya makatandem sa eleksyon.

Nobyembre 2023, ginkompirmar ni Vice Governor Jeffrey Ferrer ang iya plano nga pagbalik papili bilang kongresista sang ika-apat nga distrito sang Negros Occidental, bangud magaretiro na ang iya asawa sa politika, nga subong amo ang incumbent 4th district Congresswoman.

Basi sa kasugtanan sang UNegA kag Love Negros, dapat pagadesidihan sang UNegA ang magabulos kay Ferrer bilang bise gobernador.

Si Ferrer ang may ikaduha na nga termino bilang bise gobernador sang Negros Occidental kag nagserbe man nga kongresista sang ika-apat nga distrito sang probinsiya umpisa 2007 tubtub 2016.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.