EVACUATION CENTER SA BACOLOD PAGAHIMUON NGA ISOLATION FACILITY

Share on facebook
Share on google
Share on pinterest
Share on twitter
Share on print

I-convert ang Regional Evacuation Center sa Progreso Village, Barangay Vista Alegre bilang Covid Isolation Facility sang syudad sang Bacolod.

Gin kumpirmar ni Bacolod Congressman Greg Gasataya ang ini nga development matapos gin pahibalo siya ni DPWH Regional Director Delfinado.

Nasaad sa press release sang syudad, nag sugot si Mayor Bing Leonardia kag si Delfinado nga ang evacuation center ang i-convert nga isolation facility para sa 45 ka mga asymptomatic kag mild Covid-19 positive patients.

Suno kay Gasataya, gin pabalo siya ni Delfinado nga ang DPWH ang maga pain sang pondo para sa improvement sang pasilidad kaangay sang pag butang sang mga divider, cubicles kag iban pa nga mga kinahanglanon.

Gina banta nga ang improvement ang maga dangat sa 4 million pesos, base sa press release sang syudad.

Gina palambot ni Leonardia kay Delfinado nga kinahanglan nga may tukuron nga roofed walk nga maga-angut sa evacuation center pakadto sa comfort room nga nahamtang sa sagwa sang pasilidad.

Plano man sang syudad nga mag tukod sang dugang nga mga banyo.

Sa bahin ni Gasataya, iya gin pahayag nga bulan pa lamang sang Abril sang ini ang nag suhestyon sa DOH kag sa syudad nga ikonsiderar ang pag convert sang pasilidad pakadto sa isa ka isolation facility.

Naga claim ang syudad nga wala pa pormal na turnover ang evacuation center pero suno kay Gasataya yara na sa LGU ang memorandum of agreement sang proyekto . | Aksyon Dale Salazar

MORE STORIES:

LIKE US ON FB

error: Ooops... You are not authorized to copy this content.