EPEKTO SG TRAIN SA MAMUMUGON TALAKAYON

Share on facebook
Share on google
Share on pinterest
Share on twitter
Share on print

Plano ni General Alliance of Workers Association ukon GAWA Secretary General Wennie Sancho nga paga dal-on sa meeting sang National Wage Productivity Commission sa palaabuton nga Setyembre 14 ang sitwasyon sang mga mamugon dulot sang wala untat nga pagtaas sa presyo sang mga naga panguna nga balaklon sa merkado epekto sang gin patuman nga TRAIN Law kag pagtaas sang Inflation rate. Suno kay Sancho lubos nga apektado ang purchasing power sang mga mamugon kag wala man naka bulig ang damlag lang gin patuman nga wage increase sa bilog nga Rehiyon 6. Antis ang meeting sang NWPC sa Setyembre 14 natalana nga maga patigayon sang isa ka pag sinapol ang nag kalain lain nga mga labor groups sa probinsya kag rehiyon agud sa tuyo nga maka balay sang tingub nga panindugan. Indi man malayo ang posibilidad dugang pa ni Sancho nga ila liwat igaduso sa RTWPB ang pag pag patuman sang dugang nga omento sa sweldo inkaso nga mag lala pa gid ang sitwasyon sa palaabuton.

Gina abi-abi ni GAWA Secretary General Wennie Sancho ang lihok sang pamunuan sang Social Security System ukon SSS sa Bacolod kag probinsya angut sa plano sini nga magpatuman sang lapnagon nga kampanya batuk sa delinquent nga mga employer nga wala naga remit sang husto nga contibution sang ila mga empleyado. Suno kay Sancho, ini nga problema ang madugay na nga gina eksperiensya sang mga empleyado sa pribado nga sektor kag masami lamang nga naga ka diskobrehan sa tion na sang ila retirement. Dugang pa ni Sancho nga wala pa man sya naka istorya personal sa mga opisyales sang amo ahensya apang gin pasiguro sini nga handa sya sa pag sulod sa isa ka Memorandum of Agreement kon kaluy-an nga matigayon.

Mapilitan nga mag pasaka sang pletehan ang mga Fastcraft Operators sa siudad sang Bacolod inkaso nga magpatuman pa gid sang dugang nga pagtaas sa presyo sang gatong ang mga kumpaniya sang langis masunod nga semana. Suno kay Frank Carbon operator sang WEESAM Express, indi na nila masarangan pa nga lukduhon ang dugang nga kagastuhanan sa pihak sang ila na gin patigayon nga coast cutting measures. Dugang pa ni Carbon inkaso nga wala sang himuon nga tikang ang gobiyerno angut sa amo nga problema, mahimo nga ila man ipatuman ang increase sa pletehan sa ika tatlo nga semana sini nga bulan sang Setyembre. Ang amo nga increase ang gina bulubanta nga yara sa 15 tubtob 25 pesos sa diin ipatuman paagi sa staggered basis agud indi man ma gulpihan ang mga sumalakay.

MORE STORIES:

ANU ANG IMO MA KOMENTO?