EOC SANG BACOLOD PLANO NGA MAG PATIGAYON SANG SURVEILLANCE TESTING SA IBAN PA NGA SEKTOR

Share on facebook
Share on pinterest
Share on twitter
Share on print

Plano sang Emergency Operations Center ukon EOC sang syudad sang Bacolod nga mag patigayon sang surveillance testing sa iban nga sector.

Ini matapos nga nangin madinalag-on ang una nga surveillance testing sang syudad sa mga market vendors, flower vendors kag manokan country.

Sa interview sang Aksyon Firing Line, gin pahayag ni City Administrator Em Ang, lakip sa gina plano nga ipaidalum sa surveillance testing ang mga naga baligya sa satellite markets, transport sector, Barangay Health Emergency Response Team, mga frontliner nga yara sa isolation facility, Uniformed Personnel kag iban pa.

Suno kay Ang, may mga dalagko man nga kompaniya sa syudad ang naga patigayon sang ila kaugalingon nga surveillance testing.

Samtang, gin pahayag ni Ang, nga may dugang nga duha ka barangay sa Bacolod ang lapit na lamang nga mangin Covid-19 free.

Una nga gin report sang EOC, nga may 19 ka Barangay sa Bacolod ang wala sang Covid-19 cases sa tinalikdan nga duha ka semana.

Padayun ang panawagan sang City Administrator nga apiesar nga naga nubo ang Covid-19 cases kag mortality sa Bacolod, nga indi mag kompyansa kag padayun nga mag sunod sa mga gina patuman nga protocol.

What’s your Reaction?
+1
0
+1
0
+1
0
+1
0
+1
0
+1
0
+1
0

RESIDENTIAL RATE SANG CENECO NAGNUBO SANG 1.55KWH SA MARSO 2024

Nagnubo ang residential rate sang kuryente sang Central Negros Electric Cooperative, Inc. (CENECO) para sa sini nga bulan sang Marso.

Sa interview sa Aksyon Hotline, ginpahayag ni CENECO General Manager Atty. Arnel Lapore nga ang pagnubo ang nagdangat sa P1.55 per kilowatt hour.

Suno kay Lapore, epektibo ang pagnubo sang Marso 16, 2024.

Ginklaro na man ni Lapore nga indi masiguro ang stability sang pagnubo bangud wala pa mahibaloan kun ano ang rate para sa masunod nga bulan.

Suno pa kay Lapore, ang pagnubo sang presyo sang kuryente sa residential ang bangud sa supply sang kuryente nga nagsulod halin sa Mindanao.

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PILASON SANG GINBUNO SANG DUHA KA MANGINGISDA

Pilason ang 34 anyos nga lalaki matapos ginbuno sang duha ka mga mangingisda nga kaupod sini sa ilimnan sa Sitio Bayog-bayog, Purok 4, Barangay Bulata, banwa sang Cauayan.

Ginkilala ang biktima sa kay Brando Gonzaga, 34 anyos kag ang mga suspetsado amo sanday Arturo Cabalida ,24 anyos kag Warren Amante, 37 anyos, pareho nga residente sang nasambit nga lugar.

Suno kay Police Lieutenant Allan Gary Resuma, chief of police sang Cauayan PNP, sanday Gonzaga, Cabalida kag Amante ang upod nga nag-inom kag may wala pag intiendihanay tubtob nagluntad ang komosyon sang hinali nalang nagkuha sang espading kag binangon sanday Cabalida kag Amante kag ginlabo si Gonzaga.

Palayag ni Resuma, gindala si Gonzaga sa ospital samtang at large sa karon ang duha ka suspek.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.