EOC SANG BACOLOD IPATAWAG ANG ORGANIZER SA PAGTIPON-TIPON SA ART DISTRICT

Share on facebook
Share on google
Share on pinterest
Share on twitter
Share on print

Ipatawag sang syudad sang Bacolod ang organizer sa natabo nga mass gathering sa Art District, sa Barangay Mandalagan, syudad sang Bacolod sadtong adlaw sang Byernes, Nobiyembre 6, nga isa ka paglapas sa minimum health protocols batuk sa COVID-19.

Sa interview sa Aksyon Firing Line kaupod ni Aksyon Bryan Morden, ginpahayag ni Bacolod City Administrator Em Ang nga magluwas sa ginlapas nga health protocols, nadiskubrehan nga wala sang special permit ang nasambit nga pagtipon-tipon.

Suno kay Ang, bwas nga adlaw, Martes magapasa ang Business Permits and Licensing Office (BPLO) sa resulta sang ila nga imbestigasyon sa natabo, sa Emergency Operations Center (EOC).

Dugang pa ni Ang, ang natabo sa Art District isa ka klaro nga indikasyon nga may mga tawo pa nga pabaya’ sa ila ginahimo sa pihak sang makapila ka beses nga pahanumdom sang otoridad kag healthcare workers.

Magaserbi nga complainants ang nagresponde nga kapulisan sa Art District.

Sa interview sa Aksyon Firing Line kaupod kay Aksyon Bryan Morden, ginpahayag ni Bacolod PNP spokesperson Lt. Col. Ariel Pico nga sa karon nagapadayon pa ang imbestigasyon sa natabo.

Kaso nga paglapas sa RA 11332 ukon Mandatory Reporting of Notifiable Diseases and Health Events of Public Health Concern Act kag RA11469 ukon Bayanihan to Heal As One Act ang ginalantaw nga ipasaka batuk sa mapamatud-an nga may salabton sa natabo.

Una diri, naglapta sa social media ang video sang madamo nga indibidwal nga nagatipon tipon kag wala ginasunod ang minimum health protocols pareho sa pagsuksuk sang facemask kag face shield subongman ang social distancing. | Aksyon Ann Defensor

MORE STORIES:

LIKE US ON FB

error: Ooops... You are not authorized to copy this content.