EOC SANG BACOLOD GIN LANSAR ANG “HALONG, UGYON BACOLOD” CAMPAIGN

Share on facebook
Share on google
Share on pinterest
Share on twitter
Share on print
(Bacolod PIO Photo, October 29)

Gin lansar sang Emergency Operations Center sang Bacolod ang “Halong, Ugyon Bacolod” nga programa subong nga adlaw, Hwebes.

Ini nga programa ang naga tuyo sang padayon nga kampanya sang syudad batuk sa COVID 19 paagi sa paghatag sang padayon nga edukasyon sa publiko kalakip na pagpatigayon sang naga kaigo nga inspeksyon kag monitoring sa compliance sang mga establisamento komersyal angut sa gina patuman nga health protocol. 

Ini nga programa kag launching ang gin buylugan kag suportado sang nagkalain lain nga mga ahensya sang gobiyerno katulad sang City Legal Office, Business Permits and Licensing Division, City Health Office, City Tourism Office, Public Information Office, BCPO, Philippine Army, Coast Guard, DILG kag BFP.

Nangin kabahin man sa amo nga aktibidad ang Liga ng mga Barangay, CHO Sanitary Inspector, Task Force Disiplina kag EOC logistics.  

Ang amo ng kampanya ang gin umpisahan na sa pila ka mga lugar kaangay sa downtown area, Burgos kag Libertad.

Samtang,padayon ang operasyon sang Emergency Operations Center sang syudad sang Bacolod sa pihak nga nag balik na sa Manila si Visayas Chief Implementer retired Gen. Mel Feliciano kag iya asawa.

Suno kay Vice Mayor El Cid Familiaran, in place na ang sistema sa pagpamuno man ni City Administrator Em Ang.  Dugang pa, padayon sa gihapon ang adlaw-adlaw nga pagsinapol kag assessment sang mga personnel sa EOC. | Aksyon Art Tayhopon, Aksyon Eden Aboso

MORE STORIES:

LIKE US ON FB

error: Ooops... You are not authorized to copy this content.