MENU

ENGINEER PATAY MATAPOS NAGBUNGGO ANG GINA MANEHO NGA SALAKYAN SA WING VAN SA TALISAY CITY

  • at 3:51 pm
Share on facebook
Share on pinterest
Share on twitter
Share on print

Patay ang isa ka enginner matapos aksidente nga nagbunggo ang ginamaneho sini nga salakyan sa isa ka wingvan sa Hda. Divine Lopez, Brgy Efigenio Lizarez, syudad sang Talisay kaina sang aga, Sabado.

Ang biktima ginkilala kay Glen John Nemenzo, 30 anyos, sang Villa Angela, Brgy Villamonte syudad sang Bacolod, samtang ang driver sang wingvan ginkilala kay Dionesio Ygay Jr., 34 anyos, sang Brgy Bairan, banwa sang Vallehermoso, Negros Oriental.

Sa inisyal nga pagpangusisa ni Police Master Sgt Eduardo Pachoro, ginamaneho sang biktima ang iya Toyota Hilux halin sa Bacolod pakadto kun tani sa syudad sang Silay sang aksidente nga nagbunggo ang salakyan sa nasugata nga truck kag nagbaliskad.

Sa amo nga insedente, halos nahaw-as ang unod kag parte sang salakyan ni Nemenzo rason nga naglabog pa ang lawas sini sa dalan.

Temporaryo nga gin-detain ang driver sang wing van. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

SHOW CAUSE ORDER KAG PREVENTIVE SUSPENSION IGA ISYU SA GINALEGAR NAG RETOKE SANG RESIBO

April 25, 2024

Maga isyu ang Bacolod City Legal Office sang show cause order kag 60 dias nga preventive suspension batuk sa kahera sang City Treasurer’s Office nga assign sa Bacolod Traffic Authority Office (BTAO).

Nag ugat ang reklamo matapos 1,300 pesos ang ginbayad sang traffic violator pero 300 pesos lamang ang nag sulod sa syudad.

Ginpahayag ni City Legal Officer Atty. Romeo Carlos Ting Jr., sa tion nga ma kompleto ang mga dokumento, maga isyu ang ila opisina sang show cause kag preventive suspensyon posible sa masumod nga semana.

Ginpahayag ni Ting, mabug-at ang offense nga pag tamper sang opisyal na resibo kag termination sa trabaho ang penalidad.

Suno kay Ting, nag isyu man si City Treasurer Arlene Memoria sang notice to explain sa ginareklamo nga kahera sa sulod sang 72 oras kag ang iya sabat ang ipaidalum sa evaluation sa pag isyu sang show cause kag preventive suspension.

Ginklaro ni Ting nga isa lamang ang kahera nga gin assign sa BTAO. Paathag pa ni Ting, nga dapat computerized ang balayran kag amount in words sa resibo magluwas kon wala sang internet.

Samtang, magapangayo ang City Legal Office sang kopya sang mga citation tickets nga na isyu sang BTAO kag ini ang usisaon kon bala naga match sa ginabayad sang violator sa City Treasurer’s Office.

Ginpahayag ni City Legal Officer Atty. Romeo Carlos Ting Jr., luyag nila mahibaluan kon bala isolated lamang ang reklamo ukon madamo na ini nga insidente.

Dugang pa ni Ting, ila man usisaon kon balay may iban pa nga imbolbado sa sini nga insidente.

Nagpanugyan si Ting sa mga traffic violators nga usisaon ang gina isyu nga resibo sang syudad.

What’s your Reaction?
+1
0
+1
0
+1
0
+1
0
+1
0
+1
0
+1
0

COMELEC BACOLOD GINPAGWA NA ANG SCHEDULE SANG DUGANG NGA BARANGAY SATELLITE REGISTRATION

April 25, 2024

Ginpagwa na sang Comelec Bacolod ang schedule sang batch 2 sang satellite registration sa mga Barangay. Ginpahayag ni City Election Officer Atty. Kathrina Trinio-Caña, una nila nga padulungann sa Batch 2 ang Barangay Granada sa maabot nga Abril 27.

May registration ang Comelec Bacolod sa Handumanan sa Mayo 4, Barangay Sum-ag sa Mayo 11, Barangay Alangilan sa Mayo 18, Barangay Vista Alegre sa Mayo 25, Barangay Cabug sa Hunyo 1 kag Barangay Estefania sa Hunyo 8.

Suno kay Trinio-Caña, iban sa mga Barangay ang ila na nakadtuan antes ang Barangay kag SK Elections 2023.

Ginpahayag ni Trinio-Caña, nga may mga plano man nga magpatigayon sang satellite registration sa mga buluthuan sa pagbukas sang panibag-o nga school year.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.