EMPLEYADO SANG KAPITOLYO NGA NAGA TRABAHO SA NEGROS FIRST FOOD TERMINAL NAG TALIWAN BANGUD SA COVID-19; PASILIDAD, TEMPORARYO NGA NAG SIRA

Share on facebook
Share on google
Share on pinterest
Share on twitter
Share on print

Umpisa subong nga adlaw Nobyembre 24, 2020, temporaryo nga ginpasira ang Negros First Food Terminal sa ginsang-an sang dalan San Juan-North Capitol syudad sang Bacolod, matapos magtaliwan ang isa sa mga trabahante nga  job order (J.O) casual bangud sa Covid-19.

Suno kay Provincial Human Resource Management Office Head Atty. Anabelle Palic, ini nga empleyado ang isa ka lalaki, nagaedad sang 45 anyos, kag nagatrabaho bilang J.O umpisa Abril 2020.

Ang food terminal ang isa sa apat ka mga ‘major infrastructure projects’ sang gobyerno probinsiyal subong nga tuig. Ini na ang ikatatlo nga empleyado sang gobyerno probinsiyal sa Negros Occidental nga napatay sa Covid-19.

Suno kay Governor Bong Lacson, dapat  nga ipaidalom sa RT-PCR tests ang tanan nga mga naka close contact sang napatay nga empleyado, iquarantine samtang wala pa mapagwa ang resulta, kag i-solate  ang sin-o man nga magpositibo sa Covid-19.

Dugang pa sang gobernador, ginatun-an sang gobyerno probinsiyal kun anu ang pwede nga mabulig sa nagtaliwan nga empleyado.

Sadtong Agusto 12, 2020, ginpaidalom man sa 5 ka adlaw nga lockdown ang building sang kapitolyo probinsiyal bangud sa pagdamo sang kaso sang Covid-19 sa mga local government employees kag health workers. | Aksyon Marlon Genovea

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.