EMPLEYADO SANG KABANKALAN NGA NALAKIP SA ‘TEAM B’ GIN MANDUAN NGA MAG BALIK NA SA TRABAHO

Share on facebook
Share on google
Share on pinterest
Share on twitter
Share on print

Ginmandoan  na nga magbalik  sa pagduty ang mga empleyado sang lokal nga gobyerno sa syudad sang Kabankalan nga myembro sang Team “B”, nga may negatibo nga resuta sang RT-PCR swab test.

Sa pahanumdum nga ginpost ni City Administrator Higino Sixto Garaygay sa City Government of Kabankalan official fb page, iya ginsiling nga indi na pag-ipatuman sa sini nga mga empleyado ang 14-day home quarantine advise, bangud ini ang gina apply lamang sa mga persons-under-monitoring ukon close-contacts.

Una diri, gintunga sa Team “A” kag Team “B” ang mga empleyado nga ginpaidalom sa swab test, kasunod sa pagpositibo sa Covid-19 sang pila ka mga city government employees.

Ginkalipay man sang syudad sa pagreport nga wala sang bag-o nga kaso sang Covid-19 kag wala man sang napatay “as of December 01, 2020”. | Aksyon Marlon Genovea

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.