ELECTRONIC TECHNICIAN PATAY MATAPOS NAKABUNGGO ANG MOTORSIKLO SA AUTO

Share on facebook
Share on google
Share on pinterest
Share on twitter
Share on print

Patay ang isa ka electronic technician matapos nabungguan ang isa ka pribado nga salakyan sa Burgos Extension, Barangay Estefania syudad sang Bacolod kaina sang aga, Hulyo 7.

Ang napatay ginkilala kay James Cloud Nieze, legal ang edad kag residente sang Purok Rosal, Barangay Taculing samtang ang drayber sang mitsubishi lancer ang ginkilala naman kay Percival Diamante, 45 anyos sang Grandville 3, Barangay Mansilingan tanan sang syudad sang Bacolod.

Sa imbestigasyon sang kapulisan, ginpahayag ni Police Station 4 Commander Police Major Charles Gever nga lunsay gikan nakatundan padulong nasidlangan nga bahin sang lugar ang biktima kag suspetsado sang natabo ang aksidente.

Ginpahayag ni Gever nga hinali nalang nga nag u-turn ang auto kag nabungguan sang motorsiklo nga ginamaneho ni Nieze.

Dead on the spot si Nieze matapos nakaangkon sang madalom nga pilas sa ulo.

Nagsungka naman sa kapulisan si Diamante.

Ginahulat pa karun sang mga kapulisan ang desisyun sang pamilya ni Nieze sa pagpasaka sang kaso nga reckless imprudence resulting to homecide.

Priso karun si Diamante sa custodial facility sang Police Station 4 para sa nagakaigo nga disposisyon. | Aksyon John Diaz

MORE STORIES:

ANU ANG IMO MA KOMENTO?