Gintalakay kag gindesisyunan na sang Provincial Joint Security Control Center nga indi pagpaidalum sa comelec control ang banwa sang EB Magalona base sa pangabay ni Mayoralty candidate David Albert Lacson.
Suno kay Atty Milagros Salud Villanueva, Provincial Election Officer, ang mga basehan kag eksperyensya nga ginsaad sa amu nga pangabay ang indi makasulod sa pagsulundan sang comelec agud marekomendar ang isa ka banwa ukon syudad nga ipaidalum sa comelec control.
Ginpasiguro ni Villuanueva nga ginabantayan man ang amu nga lugar apisar ginpaidalum lang ini sa yellow category para malikawan ang katulad nga natabo sa banwa sang Moises Padilla. | Aksyon Marlon Genovea