EA PINEDA NAG KLARO NGA WALA GINA PASAKAY SA AMBULANSYA SANG BARANGAY ANG COVID-19 POSITIVE

Share on facebook
Share on google
Share on pinterest
Share on twitter
Share on print

Gin kumpirmar ni Executive Assistant Ernie Pineda head sang City Extraction team nga ila na nasaylo sa Isolation facility ang pasyente nga taga Barangay Felisa nga sa nahibaluan nag positibo sa COVID 19.

Suno kay Pineda, may yara pa gid man sang gamay nga tensyon sang ini sila ang nagpadulong sa puluy-an sang pasyente tinalikdan nga Sabado, apang nagkalma man sang ulihi matapos sang ila ginhimo nga pagpahangop sa pamilya.

Gin klaro man ni Pineda nga magluwas sa extraction team nga gin tukod sang syudad, wala gina tugutan ang mga ambulansya sa Barangay sa pagkarga sang mga pasyente nga nag positibo sa COVID lakip na ang mga indibidwal nga gina suspetsuhan posible natapikan sang amo nga balatian. | Aksyon Art Tayhopon

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.