DYEZ NANGIN FINALIST SA ANUM KA MGA CATEGORY SA GMEA 2020

Share on facebook
Share on google
Share on pinterest
Share on twitter
Share on print

Nangin finalists sa anum ka mga category ang Aksyon Radyo Bacolod sa bag-o lng nagtakop nga Globe Media and Excellence Awards (GMEA) 2020.

Liwat nga nangin Finalist sa Editor of Year Award si Rex Cantong- ang News and Program Director sang DYEZ Aksyon Radyo Bacolod.

Kalakip man sa mga finalists sa Newsmaker of the Year Award si John Diaz.

Finalists man ang Aksyon Radyo Bacolod sa COVID-19 Story of the Year, Community Development Story of the Year kag News Report for Radio.

Ang amo nga pasidungog ang ginahatag sa tanan nga mga mamantala kag tagwaragwag sa bilog nga Visayas nga nakasulat kag nakaproduce sang mga news materials nga nagasunod sa tema sang GMEA 2020 nga “Life in the New Normal”.

TAGA SAN CARLOS NGA NAGPANGAYAW BULANG SA CALATRAVA, POSITIBO SA COVID-19

Ginkumpirmar ni San Carlos City Mayor Rene Gustillo nga isa ka lalaki nga nagpamulang sa banwa sang Calatrava ang nagpositibo sa COVID-19.

Sa interview sa Aksyon Firing Line, ginpahayag ni Gustillo nga nadulaan sang panabor ang pasyente rason nga ginpaidalom sa swab test kag naggwa nga positibo sa virus.

Suno kay Gustillo, nagapadayon ang contact tracing sa syudad kag ginapanawagan sang alkalde sa mga nakakadto sa bulangan nga taga-San Carlos nga kon mahimo magpakig-angot sa syudad agod mahibaluan ang kondisyon kag madula ang kabala sa posible paglapta pa sang virus.

Sa karon, yara sa hospital ang pasyente kag limitado pa ang detalyi sang alkalde tungod ginahapo pa kon istoryahon ang nagpositibo nga ginabulubanta naga-edad sang masobra 60 anyos.

MORE STORIES:

LIKE US ON FB

error: Ooops... You are not authorized to copy this content.